Chan Virak Official

Saturday, March 19, 2016

ភាពខុសគ្នារវាង Pages និង Post

10:12:00 AM Samnang Nouv Blogger, Blogger Tip

ខាងក្រោមនេះខ្ញុំនិយាយអំពីភាពខុសគ្នារវៀង Pages និង Post

មិនមែននិយាយអំពីការដាក់ Menu drop-down ទេ

នៅលើ Wordpress គេមានចំណាត់ក្រុមអោយយើងប្រើសម្រាប់ ដាក់ Post (ប្រកាស) ទៅតាមផ្នែកផ្សេងៗ ដែរយើងបានបង្កើត ឧទាហរណ៍ ខ្ញុំ និយាយអំពី កុំព្យូទ័រ ហើយនៅក្នុង ផ្នែកកុំព្យូទ័រវាមាន កម្មវិធីថ្មី , ផលិតផលថ្មី , គន្លឹះអ៊ីនធឺណិត តែនៅ Blogspot នេះវិញមិនអាចដាក់ ទៅតាមចំណាត់ក្រុមបានទេ មូលហេតុមកពីគ្មានមុខងារចំណាត់ក្រុម ??? តែយើងក៏អាចច្នៃអោយមានចំណាត់ក្រុមដែរដោយប្រើមុខងារ Labels (ផ្លាក) វិញ សូមបញ្ជាក់ថា Tag នៅ Wordpress ទុកសំរាប់អោយយើងដាក់ពាក្យដែរទាក់ទង
នឹង Post ណាមួយ ឧទាហរណ៍ ខ្ញុំសរសេរប្រកាសមួយដែរនិយាយអំពី Windows 8 ដូចនេះខ្ញុំដាក់ Tag អោយមានពាក្យ Windows7 , computer , Windows 8 គឺជាការដាក់ពាក្យអោយទាក់ទង នឹងប្រធានបទ Windows 8 ដើម្បីទុកជាពាក្យគន្លឹះ អោយអ្នកទស្សនាស្វែងរកដោយគេវាយ ពាក្យណាមួយដែរគេចង់ដឹងនៅពេលដែរគេមិនដឹងថាមានអីខ្លះនៅក្នុង ប្លក់របស់យើង តែ Blogspot វិញគឺផ្សេង ។ សូមមើលពីភាពខុសគ្នាដូចខាងក្រោម៖

Pages ឬក៏ ទំព័រ ៖

Pages យើងបង្កើតវាដើម្បីសរសេរប្រកាសអីមួយដែរវាការប្រើប្រាស់ញឹកញាប់ ឬក៏ចង់អោយវាបង្ហាញអោយអ្នកទស្សនាឃើញរហូត ឧទាហរណ៍ ខ្ញុំចង់ដាក់ប្រកាសមួយអំពី ទាញយកកម្មវិធីថ្មីៗ ឬ ពុម្ពអក្សរខ្មែរយូនីកូដ ដោយខ្ញុំចង់អោយវាបង្ហាញនៅលើ Menu វាងាយស្រួលអោយគេឆាប់ឃើញនិងជារៀងរហូត។ ដូចនេះខ្ញុំមិនសរសេរវាជា Post (ប្រកាស)ទេ ខ្ញុំត្រូវសរសេរវាជា Page (ទំព័រ) វិញ ដោយចូលទៅកាន់ Pages >> New page រួចសរសេរអ្វីដែរយើងចង់បង្ហាញ (សូមមើលរូបខាងក្រោម)

Pages >> New page >> Blank page

-Blank page : មានន័យថាយើងបើកយកមួយទំព័រដើម្បីសរសេរ។

-Web address : មានន័យថាយើងចង់ដាក់ Link (តំណ) ពី វ៉េបសាយ/ប្លក់ ពីខាងក្រៅ។

-Top tabs : បង្ហាញ Menu Page (ទំព័រ) នៅផ្នែកខាងលើ (ជាប់ខាងក្រោម Banner)
-Side links : ដាក់ Menu នៅចំហៀង
-Don't show : មិនបង្ហាញ Menu

Post ឬក៏ ប្រកាស ៖

Post គឺរាល់អត្ថបទដែរយើងសរសេរទូទៅ ត្រង់ចំនុចនេះខ្ញុំចង់បកស្រាយអោយអ្នកដែរកំពុងប្រើ និង មិនទាន់បានប្រើ អោយបានជ្រាបថា៖ យើងត្រូវប្រើមុខងារ Labels (ផ្លាក) អោយដើរតួជា Catalog (ចំណាត់ក្រុម) ដែរមុខងារ ចំណាត់ក្រុម មិនមាននៅលើ Blogspot ទេគឺមានតែនៅ Wordpress តែប៉ុណ្ណោះ។ ដូច្នេះយើងមានតែយក Labels ប្រើជា Catalog ។ ដូច្នេះ Lables របស់ Blogspot មានមុខងារដូច Catalog របស់ Wordpress ដែរតែ Labels មិនទូលំទូលាយ ឬមិនមានភាពងាយស្រួលឡើយ(ព្រោះយើងមិនអាចកែប្រែពាក្យ Labels បានទេ នៅពេលដែរយើងចង់ដូរឈ្មោះ Labels មានតែវិធីមួយគត់គឺ បង្កើត Labels ថ្មីមួយ រួចយកជញ្ជូន Post យកមកដាក់ក្នុងLabels ថ្មីនោះ(សូមមើលរូបខាងក្រោម)

Tag នៅ Blogspot គឺជា Catalog :D

-All : បង្ហាញប្រកាស (អត្ថបទ) ទាំងអស់ ។
-Draft : គឺជាកន្លែងបង្ហាញប្រកាសដែរមិនទាន់ផ្សព្វផ្សាយ។ បើតាមរូបខាងលើ គឺមាន 1 ប្រកាស ដែរមិនទាន់បានផ្សព្វផ្សាយ។
-Published : បង្ហាញចំនួនប្រកាសដែរបានផ្សព្វផ្សាយរួច។
-Revert to draft : ដកយកប្រកាសដែរបានផ្សព្វផ្សាយរួច ទុកវិញ (មិនបង្ហាញវិញ)។

Labels នៅពេលនោះគឺ Catalog

-ប្រអប់ Labels : ជាកន្លែងអោយយើងបង្កើតថ្មីមួយ វាដូចយើងបង្កើត Catalog នៅ Wordpress ដែរ ។ សូមលោកអ្នកគិតអោយបានច្បាស់នូវពាក្យ ដែរចង់បង្កើត ដោយសារវាមិនមានមុខងារអោយកែប្រែទេមានតែ បង្កើតថ្មីមួយទៀត >> នាំប្រកាសដាក់ចូលអាថ្មីហ្នឹង >> រួចលុបអាចាស់ចោល។
-អក្សរនៅក្នុងគំនូសក្រហមដែរខ្ញុំគូសនេះ គឺជា Labels ដែរខ្ញុំបានបង្កើតរួចហើយ ដូចនេះយើងត្រូវដឹងថា Labels មួយស្មើ Folder មួយ ដែរជួយយើងរៀបទុកដាក់ប្រកាសអោយមានរបៀបរៀបរយ។ ដោយលើកក្រោយយើងមិនបង្កើតថ្មីទេ គឺយើងយកអាចាស់ប្រើទៀត ។

របៀបបង្ហាញ Lables នៅចំហៀងប្លករបស់យើង៖

-ចូលទៅ Layout >> Add a Gadget >> Labels (ភាគច្រើនគេដាក់នៅផ្នែកចំហៀងនិងនៅលើគេ)

ការកំណត់ Gadget Lables ខ្លះៗ

-Title : សម្រាប់ដាក់ឈ្មោះអោយ Gadget Labels ភាគច្រើនគេដាក់ថា "មើលប្រកាសតាមចំណាត់ក្រុម" ។
-Show :

+All Labels : បង្ហាញ Labels ទាំងអស់

+Selected Labels : ចង់បង្ហាញខ្លះ លាក់ទុកខ្លះ (សម្រាប់អ្នកដែរចង់មិនបង្ហាញ Labels ណាមួយ ដោយចុចលើពាក្យ Edit រួចដោះ ធីចណាមួយចេញ។

-Sorting :

+Alphabetically : បង្ហាញតាមលំដាប់អក្សរ

+By Frequency : បង្ហាញតាមភាពញឹកញាប់

-Display :

+List : បង្ហាញជាតារាង

+Cloud : បង្ហាញជា ផ្សែងពពក

-Show number of post per label : កំណត់អោយបង្ហាញ ចំនួនប្រកាសក្នុង Labels នីមួយៗ

សង្ខេបសេចក្ដី៖

- Pages មិនមានអោយកំណត់ Lables ទេ គឺឯករាជមិនឋិតក្នុងចំណាត់ក្រុម។

- Post មានអោយកំណត់ Lables ដូច្នេះត្រូវប្រើវាជាប្រកាសដែរឋិតក្នុងក្រុមណាមួយ។

មតិ អាក្បាលធំ៖ សូមលោកអ្នកដែរកំពុងប្រើ Blogspot ទាំងអស់ត្រូវរៀបចំទុកដាក់ "ប្រកាស" អោយមានរបៀបរបបត្រឹមត្រូវ គឺត្រូវរៀបចំទុកក្នុង Labels នីមួយៗ មិនត្រូវទុក "ប្រកាស" អារាត់អារាយ ប៉ាតណាប៉ាតណី នោះទេ។ មូលហេតុគឺដើម្បីផ្ដល់ភាពងាយស្រួលដល់អ្នកចូលទស្សនា អាចបើកមើលតាម Labels នេះបាន ដោយមិនត្រូវការបើកមើលតាម ខែឆ្នាំ នោះទេ៕

មុខងារ Readmore ដែលមានស្រាប់ក្នុង Blogger

10:36:00 AM Samnang Nouv Blogger, Blogger Tip

តើត្រូវធ្វើយ៉ាងម៉េចទើបអោយទំព័រដើម (Home) បង្ហាញប្រកាសជាសង្ខេបៗ ដោយមានតំណអោយចុចដើម្បីចូលទៅអានប្រកាសពេញនោះ (សម្រាប់ template ដែលអត់មាន Auto Readmore) ។ ភាគច្រើននៃ Theme ឬ Template ដែរ Download ពីវ៉ែបសាយដ៏ទៃ គឺបានបញ្ចូលមុខងារ {{ អានបន្ត Read More }} មកជាមួយស្រាប់ ដែលជាហេតុធ្វើអោយអ្នកប្រើ Blogspot ភាគច្រើនចូលចិត្ត ទាញយកមកដំឡើងណាស់។ តែបើយើងជាអ្នកអភិវឌ្ឍន៍ សូមកែច្នៃដោយដៃយើងផ្ទាល់វិញទើបរីកចម្រើន ដោយយើងត្រូវស្រាវជ្រាវស្វែងរកកូដ (Code) នៅតាមវ៉ែបសាយផ្សេងៗ មកតុបតែងទើបយើងបានចំណេះពិតប្រាកដ មិនមែនយកស្រាប់ៗ។

Blogspot បានបង្កប់មុខងារនេះមកជាមួយដែរ តែសម្រាប់អ្នកដែលទើបរៀនប្រើដំបូងមិនសូវស្គាល់មកពីមុខងារនោះ មានឈ្មោះខុសពីតួនាទីពិតរបស់វា ដែរជាហេតុធ្វើឲ្យឆ្ងល់ (កាលពីមុនខ្ញុំក៏ឆ្ងល់ដែរ តើធ្វើយ៉ាងម៉េចទើបអាចបង្ហាញជាសង្ខេបបាន?) ឥឡូវមានចំលើយហើយ ហើយថែមទាំងមិនបាច់សរសេរកូដអីនោះទេ ងាយៗសំរាប់មនុស្សដូចជាខ្ញុំនេះ និងអ្នកដែរមិនចេះកូដ។
សូមមើលដូចខាងក្រោមនេះ៖

វិធីប្រើ Readmore ដែលមានស្រាប់ក្នុង Blogger ៖

- Log ចូលទៅក្នុងគណនី Blogspot របស់អ្នកដោយចូលតាម www.blogger.com

- សរសេរអត្ថបទមួយ ឬក៏បើកយកអត្ថបទចាស់របស់អ្នក យកមកកំណត់អោយបង្ហាញជាលក្ខណៈសង្ខេបនៅទំព័រ Home
- ចុចដាក់ សញ្ញា Cursor ដែរលោត "ទឹត" ដាក់កន្លែងណាដែរអ្នកចង់អោយបង្ហាញសង្ខេបត្រឹមកន្លែងនោះ រួចចុចប៊ូតុង

Insert jump break ជាការស្រេច ។ សូមមើលរូបឧទាហរណ៍ខាងក្រោមនេះ៖

ចំណាំ៖ លោកអ្នកត្រូវរៀបចំត្រួតពិនិត្យអត្ថបទរួចរាល់អស់សិនទើបប្រើ Insert jump break ជាចុងក្រោយគេ។

ដូរអក្សរ Readmore អោយទៅជា ភាសាខ្មែរវិញ៖

-ចូលទៅ Layout >> ចុចប៊ូតុង Edit ត្រង់កន្លែង Blog Posts (សូមមើលរូបខាងក្រោម)៖

នោះនឹងលេចចេញផ្ទាំង Configure Blog Posts ចេញមកអោយយើងកំណត់ ៖

-Mumber of post on main page: ជាការកំណត់ចំនួន Post អោយបង្ហាញនៅទំព័រ Home
-Post page link text: កំណត់អក្សរដែរយើងចង់បាន ឧទាហណ៍៖ ចុចទីនេះអានបន្ត >>
រួចចុចប៊ូតុង SAVE ជាការស្រេច :D ៕

របៀប Backup និង Restore Template របស់ប្រព័ន្ធ Blogger

2:46:00 PM Samnang Nouv Blogger, Blogger Tip

Template របស់ប្លកប្រៀបដូចជាសំលៀកបំពាក់របស់ប្លក ដែលវាមិនខុសគ្នារវាង Theme របស់ប្រព័ន្ធដំណើរការ Windows ដែលជួយអោយមានរូបរាងផ្សេងៗគ្នា ទៅតាមចំណូលចិត្តអ្នកបង្កើត និងអ្នកប្រើប្រាស់។ Blogger បានអនុញ្ញាតអោយអ្នកប្រើប្រាស់ មានសិទ្ធិអាចកែប្រែ បញ្ចូលកូដទៅក្នុង Template ឬ ក៏ប្ដូរថ្មី ដែលអ្នកប្រើអាចរកបានដោយ Free ឬ គិតលុយ នៅតាមគេហទំព័រមួយចំនួន។

លើកនេះខ្ញុំសូមកលើកយកពីរបៀប Backup template ក្នុងប្រព័ន្ធ Blogger !!! មូលហេតុដែលត្រូវធ្វើការ Backup មកពីយើងត្រូវរក្សាទុក Template ដែលកំពុងប្រើទុក មុននឹងបញ្ចូលកូដ (Code) ផ្សេងៗ បង្ការក្រែងលោមានការថ្លោះធ្លោយ ដោយសារការបញ្ចូលកូដខុសក្នុង Template។ ឬមួយវិញទៀតយើង Backup វាទុកដើម្បីចែកឲ្យអ្នកដទៃប្រើ សូមមើលខាងក្រោមនេះ៖

ក- របៀប Backup ឬ Restore Template តាមធម្មតា៖

- ចូលទៅក្នុងគណនី Blogger របស់អ្នកតាម www.blogger.com
- ចូលទៅកាន់ Template >> Backup / Restore (សូមមើលរូបខាងក្រោម)

- នោះលោកអ្នកនឹងឃើញផ្ទាំងអោយអ្នកចាត់ការជាមួយ Template

1- Download full template : ចុចដើម្បីទាញយក Template ទុកក្នុងកុំព្យូទ័រ។
2- Upload a template from on your hard drive : ចូលទៅរកឯកសារ Template ដែលអ្នក ចង់ដំឡើងពីក្នុងកុំព្យូទ័ររបស់អ្នក ។
3- ប៊ូតុង Upload ចុចសម្រាប់ពេលយើងត្រូវការ Upload ស្បែកប្លក់។

ចំណាំ ៖ ឯកសារ template មានកន្ទុយជា *.XML ។

ខ- របៀប Upload template តាមវិធីនេះពេល Upload តាមធម្មតាមិនទៅ ៖

នៅពេលខ្លះយើងមិនអាច upload template ទៅបានទេ បណ្ដាលមកពី template មានទំហំធំពេក ឬមកពីអ៊ីនធឺណិតដើរយឺតពេក ឬ ....។ ដូច្នេះយើងប្រើវិធីនេះវិញ បានទៅបាន ៖
ឧទាហរណ៍ យើងបានទាញយក template ស្អាតមួយពីគេហទំព័រផ្សេង ហើយចង់ដំឡើង template នោះដាក់ក្នុងប្លក់យើង ដោយ ត្រូវ Copy កូដទាំងអស់ដែលមានក្នុងឯកសារ XML យកមកដាក់ក្នុង template Editor ។

- ចម្លងកូដក្នុងឯកសារ XML ដោយប្រើកម្មវិធី Notepad

- ចូលទៅកាន់ Template >> Backup / Restore (សូមមើលរូបខាងក្រោម)

- លុបកូដក្នុង template Editor ចោល រួចហើយដាក់កូដថ្មីចូល រួចចុច Save template ជាការស្រេច។ ធ្វើរបៀបនេះធានាថាជោគជ័យ ទោះជាអ៊ីនធឺណិតដើរយឺតក៏ដោយ។

ចំណាំ ៖ មុននឹង ធ្វើការផ្លាស់ប្ដូរ template ថ្មីត្រូវ Copy Code Widget ទាំងឡាយដែលមានជាមួយប្លក់របស់យើង ឲ្យហើយអស់សិន ជៀសវាងពេលដំឡើង template ថ្មីធ្វើឲ្យបាត់ Widget អស់។

ចង់បាន Template ថ្មីៗ ស្អាតៗ?

Blogspot បានដាក់ Template អោយជ្រើសរើសបួនដប់ដែរ តែមិនជាស្អាតទេ ដូចនេះលោកអ្នកប្រាកដជាត្រូវការទាញយក Template ពីគេហទំព័រនានា ដើម្បីយកមកកែប្រែរូបរាងប្លក។ ខ្ញុំសូមណែនាំគេហទំព័រមួយដែលមានមុខងារអាចអោយអ្នកស្វែងរក Template ដែលអ្នកពេញចិត្ត ទៅតាមផ្នែក ដូចជា៖ Topic, Layout, Feature និង Color។

http://www.mybloggerthemes.com/

-Template របស់ Blogspot មានកន្ទុយឯកសារជា *.xml

សូមអរគុណដែលចូលមើលប្លក់អាក្បាលធំ

របៀបប្ដូរពុម្ពអក្សរ Hanuman ដែលមានស្រាប់ក្នុង Blogger

6:07:00 PM Samnang Nouv Blogger, Blogger Tip

សម្រាប់បងប្អូនដែលកំពុងប្រើ template ដែលមានក្នុងប្រព័ន្ធ Blogger ស្រាប់ៗ ឥឡូវនេះ Blogger បានបន្ថែមពុម្ពអក្សរខ្មែរយូនីកូដមួយឈ្មោះថា ហនុមាន (Hanuman) ចូលទៅក្នុងប្រព័ន្ធប្លករួចជាស្រេច ដែលជាហេតុធ្វើអោយអ្នកប្រើប្លក មិនចាំបាច់ត្រូវសរសេរ ឬ ចម្លងកូដពី Google Web Fonts នោះទេ ដោយគ្រាន់តែជ្រើសរើសយកជាការស្រេច។

មូលហេតុដែលយើងបង្កប់ពុម្ពអក្សរខ្មែរក្នុងប្លក់របស់យើង គឺដើម្បីអោយម៉ាស៊ីនកុំព្យូទ័រដែលមិនបានដំឡើងពុម្ពអក្សរខ្មែរ យូនីកូដឈ្មោះ Hanuman អាចមើលឃើញពុម្ពហនុមានបាន ដោយមិនបាច់ដំឡើងពុម្ពហនុមាន ក្នុងម៉ាស៊ីនរបស់ពួកគេឡើយ ហើយម៉្យាងទៀតដើម្បីកុំឲ្យកម្មវិធី browser បង្ហាញពុម្ពអក្សរខុសពីចិត្តរបស់ម្ចាស់ប្លក។ ដើម្បីបើកប្រើសូមចូលទៅកំណត់ដូចខាងក្រោម៖

template ដែលមានស្រាប់ៗក្នុងប្រព័ន្ធ Blogger

៙ របៀបបង្កប់ពុម្ពអក្សរខ្មែរយូនីកូដឈ្មោះហនុមាន (Hanuman) ក្នុងប្លក ៖

- ចូលទៅក្នុងគណនី Blogger របស់អ្នកតាម www.blogger.com

- ចូលទៅកាន់ Template >> Customize (សូមមើលរូបខាងក្រោម)

- ចុចលើពាក្យថា Advanced រូចកំណត់ត្រង់កន្លែង៖

Page Text (ជាអក្សរអត្ថបទ) : រើសយក Hanuman (ភាសាខ្មែរ) ឯទំហំខ្ញុំយក 14px ។
Blog Title (ជាចំណងជើងប្លកដែលឋិតនៅក្បាលប្លក) : រើសយក Hanuman (ភាសាខ្មែរ) ឯទំហំអាស្រ័យលើលោកអ្នក ។
Tab Text (ជាអក្សររបស់ Page ឬ Link) : រើសយក Hanuman (ភាសាខ្មែរ) ឯទំហំខ្ញុំយក 16px
Post Title (ជាអក្សរចំណងជើងអត្ថបទ) : រើសយក Hanuman (ភាសាខ្មែរ) និង Bold, ឯទំហំខ្ញុំយក 18px ។
Gadgets (ជាអក្សររបស់ Gadget) : រើសយក Hanuman (ភាសាខ្មែរ) និង Bold, ឯទំហំខ្ញុំយក 15px ។

- កំណត់រួចសូមចុចប៊ូតុង Apply to Blog ដើម្បីទទួលស្គាល់ការកំណត់ រួចចុច Back to Blogger ចូលមកកាប់ប្លកវិញ៕

សូមមើលលទ្ធផលដូចខាងក្រោម

រូបខាងលើគឺមិនមានបង្កប់ពុម្ពអក្សរ (Khmer OS System) ឯខាងក្រោមគឺបង្កប់ពុម្ព Hanuman

ចំណាំ ៖ គន្លឹះនេះអនុវត្តន៍បានដែរប្លក់លោកអ្នកដែលកំពុងប្រើ template ដែលមានក្នុង blogger ស្រាប់ បើប្លក់អ្នកបានកំពុងប្រើ template ដែលទាញយកបានពីគេហទំព័រផ្សេងៗគឺមិនដំណើរការទេ ទាល់តែលោកអ្នកចេះបង្កប់ពុម្ពពី Google បានអាចទៅរួច។

បិទមុខងារ Navbar របស់ Blogger ការពារគេ Report

6:41:00 PM Samnang Nouv Blogger, Blogger Tip

Blogger Navbar

Navbar គឺជារបាដែលឋិតនៅខាងលើបង្អស់នៃទំព័រប្លក ដែលមានតួនាទីអាចឲ្យយើងស្វែងរក តាមដាន ចែករំលែកដំណឹងទៅកាន់មនុស្សដទៃ រាយការណ៍បទល្មើស អាចចុចទៅមើលប្លកផ្សេងៗទៀត ជាដើម។ មូលហេតុដែលអ្នកប្រើ blogger ចង់បិទ Navbar មកពីមើលទៅដូចមិនសូវសម ព្រោះជាទូទៅគេហទំព័រមិនដែលមាន Navber អីទេ ហើយណាមួយដោយសារតែនៅក្នុង Navber មានមុខងារ Report Abuse (រាយការណ៍បទល្មើស) នោះធ្វើអោយម្ចាស់ប្លកចង់បិទវាខ្លាំងណាស់។ ក្រុមអ្នកអភិវឌ្ឍន៍ Blogger បានបន្ថែមមុខងារបិទ Navber ដើម្បីឲ្យអ្នកដែលចង់បិទវា មានភាពងាយស្រួលជាពិសេស អ្នកដែលមិនចេះកូដ ចេះគាំងអីនោះ។ តែក៏បញ្ជាក់បន្តិចថា Navbar ហ្នឹង វាមានតែចំពោះប្លក់ទាំងឡាយណាដែលកំពុងប្រើប្រាស់ template ដែលមានស្រាប់ក្នុង Blogger ។ សម្រាប់អ្នកដែលប្រើ template ពីណាពីណីអត់មាន Navbar ហ្នឹងទេ។

template ដែលមានស្រាប់ៗក្នុងប្រព័ន្ធ Blogger

សូមមើលពីរបៀបបិទងាយស្រួលដែលមានស្រាប់ក្នុងប្រព័ន្ធ Blogger៖

- កត់ត្រាចូល (Log In) ក្នុងគណនី Blogger របស់លោកអ្នក
- ចូលទៅកាន់ Layout >> ចុចលើពាក្យ Edit របស់ Navbar ដែលជាទូទៅវាឋិតនៅខាងលើគេ (សូមមើលរូបខាងក្រោម)

Layout >> ចុចលើពាក្យ Edit របស់ Navbar

- នោះលោកអ្នកនឹងបានឃើញផ្ទាំងកំណត់របស់ Navber សូមចុចយក Off ដើម្បីបិទមុខងារ Navbar រួចចុច Save ជាការស្រេច។ (សូមមើលរូបខាងក្រោម)

ពេលនេះលោកអ្នកលែងបានឃើញ Navbar ទៀតហើយសូមរីករាយជាមួយការសរសេរតែងនិពន្ធរបស់អ្នកទៀតចុះ៕

ប្លកគឺ ជាសេវាកម្មមិនគិតលុយ ឲ្យលោកអ្នកកត់ត្រារាល់អ្វីៗអំពីខ្លួនអ្នក អាចបង្ហាញជា សាធារណៈ និងមិនអោយបង្ហាញជាសាធារណៈបាន។ បើកលោកអ្នកចង់រៀនបង្កើតប្លក ខ្ញុំសូមណែនាំអោយប្រើសេវាកម្ម Blogger ដែលល្អជាង Wordpress.com ហើយបើមិនដែលចេះប្រើ Blogger សោះនោះសូមចូលទៅមើលមេរៀនបង្កើតប្លកនៅ អាយធីកូនខ្មែរ.com ដែលមានមេរៀនងាយៗចាប់ពីមិនទាន់ចេះសោះមក បន្ទាប់ពីចេះប្រើ Blogger ខ្លះៗហើយ អ្នកអាចចូលមើលអំពីគន្លឹះប្លក ដែលខ្ញុំបានសរសេរជាភាសាខ្មែរហូហែ ទុកអោយអ្នកចង់ចេះប្រើប្លក៕ :D

5 ចំណុច យើងគួរបង្កើត Blogger ផ្ទាល់ខ្លួនមួយ

6:44:00 PM Samnang Nouv Blogger, Blogger Tip

សួស្ដី! មិត្តទាំងអស់គ្នា។ ខ្ញុំមិនមែនជាអ្នកជំនាញខាង Blogger អីប៉ុន្មានទេ ខ្ញុំគ្រាន់តែបកប្រែមកពីប្លុកបរទេស និងបន្ថែមគំនិតខ្លួនឯងខ្លះ ព្រោះខ្ញុំក៏មិនសូវចេះភាសាអង់គ្លេសដែរ។ ពេលនេះខ្ញុំសូមបង្ហាញពីហេតុផលទាំង 5 យ៉ាងដែលយើងគួរតែបង្កើត Blogger ផ្ទាល់ខ្លួន។

1. អ្នកនឹងអាចក្លាយជាអ្នកនិពន្ធ និងសរសេរអត្ថបទបានកាន់តែប្រសើរឡើង ៖

បើសិនកាលពីមុនអ្នកមិនចូលចិត្តក្នុងការសរសេរ អ្នកអាចនឹងចូលចិត្តសរសេរវិញព្រោះតែប្លុក ដែលធ្វើឲ្យអ្នកស្ទាត់ជំនាញក្នុងការ សរសេរអត្ថបទនៅពេលអនាគត។ ម្យ៉ាងទៀតវាអាចធ្វើឲ្យអ្នកក្លាយទៅជាអ្នកនិពន្ធអត្ថបទម្នាក់ ដ៏ល្បីល្បាញផងដែរ។ នៅពេលដែលអ្នកមានវ័យចាស់អ្នកនឹងអាចមើលឃើញពីយុវភាពរបស់អ្នក ក្នុងកាលដែរអ្នកប្រឡូកជាមួយនឹងបច្ចេកវិទ្យា។ វាក៏ជាកំណត់ហេតុមួយផងដែរ ប្រសិនបើអ្នកមិនចងចាំឱកាសណាមួយនោះ អ្នកអាចនឹងរំលឹកអនុស្សាវរីយរបស់អ្នក។

2. ធ្វើឲ្យអ្នកមានការគិតពិចារណាបានវែងឆ្ងាយ ៖

នេះ ក៏ជាចំណុចមួយដ៏សំខាន់ផងដែរ។ បើសិនជាអ្នកសរសេរអត្ថបទណាមួយនៅអ្នកនឹងអាចយល់ពីអត្ថន័យនៃ អត្ថបទនោះកាន់តែច្បាស់លាស់ ហើយស៊ីជម្រៅផងដែរ។ ឧទាហរណ៍អ្នកសរសេរអត្ថបទទាក់ទងទៅនឹងស្នេហា នោះអ្នកនឹងអាចនឹងយល់ពីបញ្ហាស្នេហាកាន់តែច្រើនឡើងហើយមិនងាយ នឹងចាញ់ស្នេហាឡើយ។ (មិនលោតទឹក ចង.ក ...) :D

3. ធ្វើឲ្យអ្នកមានសុខភាពល្អ និងជីវិតរីករាយ ៖

តើអ្នកជឿទេថា Blogger អាចឲ្យជីវិតរបស់អ្នករីករាយ និងមានសុខភាពល្អ? ចំពោះខ្ញុំបាទ ខ្ញុំពិតជាជឿ 100% ព្រោះថានៅពេលដែលប្លុកយើងមានអ្នកចូលអានច្រើន ហើយការប្រកាស (Post) ក៏មានកាន់តែច្រើនដែរនោះ វាពិតជាធ្វើឲ្យយើងរីករាយពេកក្រៃ ពិសេសគឺនៅពេលមានម្ចាស់ប្លុកដទៃឬអ្នកដែលនៅជុំវិញខ្លួនយើង បញ្ចេញមតិយោបល់ ឬចម្ងល់ផ្សេងៗឲ្យយើងជួយដោះស្រាយ។ សំខាន់សម្រាប់សុខភាពរបស់យើងដែរនោះគឺទម្លាប់ដដែលៗរបស់យើង។ ឧទាហរណ៍ ៖ ខ្ញុំក្រោកឡើងនៅម៉ោង 5:00AM បន្ទាប់មកខ្ញុំប្រកាសក្នុងប្លុកឲ្យបានយ៉ាងហើយណាស់ក៏មួយដែរ។ នៅម៉ោង 7:00AM ខ្ញុំទៅបរិភោគអាហារពេលព្រឹក ហើយធ្វើការងារមួយចំនួន។ នៅម៉ោង 10:00AM ខ្ញុំបើក Facebook ............ នៅម៉ោង 02:00PM ទៅ 4:00 PM ខ្ញុំប្រកាសក្នុងប្លុកទៀត។ :D

4. អ្នកនឹងជួបមនុស្សថ្មីៗ ជាមួយនឹងចំណេះដឹងថ្មីៗផងដែរ ៖

ខ្ញុំជឿជាក់យ៉ាងប្រាកដ និងច្បាស់ថា នៅពេលដែលប្លុករបស់លោកអ្នកមានអត្ថបទប្លែកៗច្រើនចំនួនអ្នកទស្សនា ក៏មានកាន់តែច្រើនដែរ។ អ្នកដទៃនឹង Comment មកយើងនូវចម្ងល់របស់គេពិសេសអ្នកអាយធីទាំងឡាយ (មិនមែនអ្នកឆុងតែទឹកកកទេ) នោះយើងកាន់តែមានទំនាក់ទំនងយ៉ាងជិតស្និទ្ធថែមទៀត។ មួយវិញទៀតយើងក៏បានស្គាល់នូវប្លុកទាំងឡាយដែលមានសភាពប្រសើរជាង យើង ហើយអាចសាកសួរយោបល់ (ពិសេសរបៀបធ្វើ) អ្វីមួយ។

5. អ្នកអាចទទួលបានប្រាក់ ៖

នៅពេលប្លុករបស់អ្នកមានភាពល្បីល្បាញទទួលការពេញនិយមពីអ្នក ទស្សនាទាំងឡាយនោះ អ្នកដែលមានផលិតផលឬចង់ប្រកាសដំណឹងផ្សេងៗ ច្បាស់ជារត់មករកយើង ពិសេសអាចមានអ្នកសុំដាក់ដំណភ្ជាប់ទៀតផង។ បើយើងបានទិញដូមែន (Domain) ទៀតរឹតតែប្រសើរ។ ដូមែន មានដូចជា ៖ .info (តម្លៃថោក) .com . Net .info .deu .kh......។

ចំណុចទាំងឡាយដែលខ្ញុំសរសេរខាងលើនេះសង្ឃឹមថា លោកអ្នកអាចយល់ខ្លះៗ និងអាចទទួលយកបាន។ ដូចនេះដើម្បីកុំឲ្យចាញ់គេក្នុងពិភពបច្ចេកវិទ្យាថ្មីៗនេះ យើងជាកូនខ្មែរគប្បីបង្កើតប្លុកឲ្យបានច្រើន និងមានប្រយោជន៍ចំពោះជនជាតិយើងផងដែរ៕

10 មូលហេតុអ្នកគួរតែទិញ Domain ផ្ទាល់ខ្លួនសម្រាប់ Blogger

7:03:00 PM Samnang Nouv Blogger, Blogger Tip

ហេតុអ្វីប្លកករគួរតែទិញប្រើឈ្មោះអាសយដ្ឋាន (domain) ប្លកផ្ទាល់ខ្លួន? យើងនឹងនិយាយរៀបរាប់ពីសារប្រយោជន៍នៃការមាន domain ផ្ទាល់ខ្លួនចំពោះប្លកទាំងឡាយ។ តែជាដំបូងនេះសូមនិយាយចំពោះគេហទំព័របន្តិចថា រាល់ការបង្កើតជាគេហទំព័រតែងតែមានគម្រោង បង្កើតដើម្បីរកលុយឬមិនរកកម្រៃ ដូច្នេះគេត្រូវតែទិញ domain (ឈ្មោះគេហទំព័រ) មិនអាចប្រើរបស់ Free បានទេ និងទិញស្តុក Hosting សម្រាប់ដាក់បង្ហោះគេហទំព័រនោះ គេមិនអាចប្រើ Hosting ដែល Free បានទេព្រោះងាយប្រឈមនឹងការបិទចោលដោយគ្មានការតវ៉ា, domain សម្រាប់គេហទំព័រគឺជារបស់មិនអាចខ្វះបានជាដាច់ខាត ចុះចំពោះប្លកដែលបង្កើតដោយ Free វិញ?។

សូមអាន ៖ មើលពីរបៀបភ្ជាប់ Domain ជាមួយ Blogger [មានវីដេអូ]

៙ ការបង្កើតប្លកមាន 2 ប្រភេទគឺ ៖ ទីមួយ : ការបង្កើតដោយចំណាយលុយទិញ domain និង hosting ដែលអាចប្រើជាមួយ CMS បានដោយជម្រើស។ ចំណុចនេះមិនខុសពីការបង្កើតគេហទំព័រទេ គ្រាន់តែម្ចាស់អ្នកបង្កើត គេមិនហ៊ានតាំងខ្លួនគេថាជាគេហទំព័រ ព្រោះគេយល់ថា មិនសូវមានអត្ថបទជាប្រចាំ គ្មានជំនាញក្នុងការសរសេរ ប្រធានបទផ្ទាល់ខ្លួន (កំណត់ហេតុបុគ្គល) និងចម្លងពីគេជាដើម។

ទីពីរ : ការបង្កើតប្លកបានដោយ Free ដែលទទួលបាន subdomain និង hosting ដែលមានប្រព័ន្ធផ្សាយអត្ថបទមួយដែលមានដែនកំណត់ និងលក្ខខ័ណ្ឌ។ ប្លកភាគច្រើនសឹងតែ 99% បង្កើតឡើង free ដោយប្រើសេវាកម្មបង្ហោះប្លកដូចជា Blogger.com, WordPress.com ជាដើម ឃើញថាពិតជាងាយស្រួលមែនទែន មិនបាច់ចំណាយ មិនបាច់ថែទាំ ប៉ុន្តែភាគច្រើននៃអ្នកបង្កើតប្លក មិនដឹងពីគុណវិបត្តិនៃការប្រើប្រាស់ subdomain (ឈ្មោះអាសយដ្ឋានប្លកដែលជ្រកក្រោមក្លៀកគេ) ថាវាមានផលប៉ះពាល់ប៉ុណ្ណានោះទេ!។ នៅពេលដែលអ្នកចាប់ផ្ដើមបង្កើតប្លកជាមួយនឹងការប្រើ subdomain ដែលឥតគិតថ្លៃនោះគឺជារឿងធម្មតាទេ តែបើប្លករបស់អ្នកមានគេស្គាល់ច្រើន ហើយនៅតែប្រើ subdomain ទៀតនោះ ធ្វើឲ្យប្លកមិនសូវទទួលបានចំណូលទស្សនាខ្ពស់ដូចគេហទំព័រនានាឡើយ។ បើចំពោះការស្វែងរកអ្នកឧបត្ថម្ភគាំទ្រ ឬចង់ទទួលផ្សាយពាណិជ្ជកម្មរកលុយខ្លះៗនោះ មិនងាយមានអ្នកណាហ៊ានផ្សាយផលិតផលនៅតាមប្លកឡើយ ព្រោះគេគិតថាមានអ្នកចូលមើលតិច។

បើលោកអ្នកគិតចង់ប្រើ domian ផ្ទាល់ខ្លួន ដោយលែងជ្រកក្រោមឈ្មោះរបស់គេទៀតនោះ វាមានសំនួរខ្លះដែលអ្នកត្រូវគិតថា បន្ទាប់ពីយើងប្រើ domian ថ្មី តើ PageRank (សក្ដិប្លក) ឬ Alexa (ជាគេហទំព័រអ្នកចាត់ចំណាត់ថ្នាក់) អាចបាត់បង់ឬធ្លាក់ប្រជាប្រិយភាពក៏អត់?។ ដូច្នេះដឹងចម្លើយនៃសំនួរទាំងនេះ សូមលោកអ្នកអាននូវអ្វីដែលបានសរសេរនៅខាងក្រោមនេះ ដោយប្រុងប្រយ័ត្ន ថាហេតុអ្វីបានជាអ្នកគួរតែទិញ domian ដែនផ្ទាល់ខ្លួនឱ្យបានឆាប់តាមដែលអាចធ្វើទៅបាន។

1. កិត្តិសព្ទដោយឯករាជ

ការធ្វើឲ្យប្លករបស់ខ្លួនមានអាសយដ្ឋានជា .com ឬ (.net, .org,...) គឺជារឿងចាំបាច់និងពេញនិយមណាស់ក្នុងពេលឥឡូវនេះ ព្រោះអ្នកណាក៏គេអាចមានលទ្ធភាពទិញប្រើបានដែរ, គ្មានអ្នកណាគេចង់បានពាក្យ yourblogname.blogspot.com ឬ yourblogname.wordpress.com នៅតោងជាប់ឈ្មោះប្លកគេ គ្រាន់តែថាគេមិនទាន់ដល់ពេលដូរ ឬគេខ្ជិលដូរ!។ មនុស្សម្នាឃើញតំណប្លក (URL) អ្នកមានជា .com ដូច្នេះគេ ប្រាកដជាទុកចិត្តនិងចង់ចូលមើល។

2. សេវាកម្មផ្ដល់ការដាក់ផ្សាយពាណិជ្ជកម្មភាគច្រើនមិនទទួលស្គាល់ subdomain

សេវាកម្មដូចជា buysellads មិនទទួលយកប្លកណាដែលប្រើ subdomain ទេ នេះមានន័យស្មើនឹងការបាត់បង់ចំណូលដល់ទៅ 50% ក្នុងករណីប្លកលោកអ្នកគេអនុញ្ញាតឲ្យដាក់សេវាផ្សាយពាណិជ្ជកម្មបាន នោះ។

3. Custom domains ធ្វើឲ្យមានការកើនឡើងអ្នកគាំទ្រនិងអ្នកតាមដាន

អ្នកប្រើអ៊ីនធឺណិតចូលមើលនិងតាមដានប្លករបស់អ្នក តែនៅពេលពួកគេដឹងថាប្លកអ្នកផ្ដល់ជូននូវអ្វីដែលពួកគេមិនមានតែ ប៉ុណ្ណោះ។ ប៉ុន្តែនៅពេលដែលពួកគេបានដឹងថាអ្នកប្រើដែន blogspot.com ពួកគេអាចនឹងមើលស្រាល និងទម្លាក់ការចាប់អារម្មណ៍រាល់មាតិការបស់អ្នក ឬក៏លែងខ្វល់ពីប្លកយើងដោយសារគេគិតថាយើងមិនមែនជាអ្នកជំនាញ។ មនុស្សភាគច្រើនឲ្យតម្លៃត្រង់ .com ឬ .org ដែលពួកគេគិតថាជាជាតំបន់បណ្ដាញមមាញឹក ជាប្រភពគួរឲ្យតាមដាន ដែលមានមនុស្ស ឬក្រុមនៅចាំសរសេរអត្ថបទជាប្រចាំ។ តែការទិញ Custom domain យកមកប្រើជាមួយប្លកដែលមិនសូវមានអត្ថបទសោះ គឺជារឿងធ្ងន់ធ្ងរនិងចំណាយលុយទទេៗ ដូច្នេះអ្នកត្រូវពិចារណាដោយខ្លួនឯងថាត្រូវចំណាយលុយរាល់ឆ្នាំ ដោយសារតែឈ្មោះប្លកដែរឬទេ?

4. ទាក់ទាញឲ្យមនុស្សចង់ចែករំលែកនិងចំណាំឈ្មោះប្លកយើង

បន្ទាប់ពីបានដឹងខ្លះៗអំពីឥទ្ធិពលនៃ Custom domains, ពួកអ្នកចូលទស្សនាប្រាកដជាពេញចិត្តនិងមិនស្ទាក់ស្ទើរក្នុងចែក រំលែករាល់អត្ថបទ ដែលមានក្នុងប្លកទៅកាន់ មិត្តភ័ក្ដិ និងក្រុមគ្រួសាររបស់គេឡើយ។ ពួកគេនឹងមានទំនុកចិត្តចំណាំប្លកអ្នកទុក និងទស្សនាវាជាញឹកញាប់ដើម្បីទទួលបាន ចំណេះដឹងបន្ថែមទៀតដោយសារតែពួកគេគិតថារាល់អត្ថបទដែលគេបានអានគឺ កើតចេញពីអ្នកចេះ អ្នកជំនាញ។ ហើយមូលហេតុមួយទៀតនោះគឺ subdomains មិនសូវទាក់ទាញអ្នកចូលមើលប្លកពីបណ្ដាញសង្គមដូចជា Facebook ឡើយ។

5. PageRank កើនឡើងយឺតដោយសារ subdomains

ការប្រើប្រាស់ដែន blogspot មានន័យថាឱកាសដែលទទួលបាន backlinks (ការចូលតាមតំណត្រឡប់មកវិញ) ទាបបំផុតសម្រាប់អ្នក។ បើទោះជាប្លករបស់យើងមានអត្ថបទ មានអ្នកចូលមើលច្រើនយ៉ាងណា ក៏កម្រិតសក្ដិដែលទទួលបានគឺជា Blogspot មិនមែនប្លករបស់យើងទេ ក៏ព្រោះតែយើងជ្រកក្រោយផ្លាក Blogspot។

6. អ្នកគ្រាន់តែត្រូវការទិញ domain មិនបាច់ទិញ Hosting ទេ

នៅពេលដែលអ្នកទិញ domain មួយសម្រាប់ប្លករបស់អ្នកគឺគ្រប់គ្រាន់ហើយ មិនដល់ថ្នាក់ទិញ Hosting នាំឲ្យអស់លុយរាល់ឆ្នាំឡើយ គឺអស់ត្រឹមថ្លៃ domain បានហើយ។ ជាសំណាងល្អសម្រាប់អ្នកប្រើ Blogger ព្រោះតែវាមិនសូវកំហិត ធូររលុង អាចឲ្យយើងចែករំលែករបស់ដែលជាប់កម្មសិទ្ធិបញ្ញាបាន ដូច្នេះយើងមិនភ័យខ្លាចគេបិទប្លកយើងនោះទេ។ តែផ្ទុយទៅវិញ ចំពោះអ្នកប្រើ Wordpress ដោយមិនអស់លុយដែលនោះ គឺមានការពិបាកក្នុងការសរសេរអត្ថបទបែបវាយប្រហារ ចែករំលែករបស់ដែលខុសច្បាប់កម្មសិទ្ធិ ជាដើម គឺមានការប្រឈមខ្ពស់បំផុត ងាយនឹងត្រូវគេរាយការណ៍បិទប្លកយើងណាស់ កន្លងមកមានប្លកខ្មែរជាច្រើនដែលប្រើសេវាកម្ម Wordpress ត្រូវបានបិទដោយគ្មានប្រាប់មួយម៉ាត់។ នេះហើយជាហេតុផលមួយក្នុងចំណោមហេតុផលដ៏ធំបំផុត ហេតុអ្វីបានជាគេចូលចិត្ត Blogger ជាង WordPress ។

7. Ranking (សក្តិប្លក) កើនឡើងលឿន

នៅពេលមានគេចុចចូលចិត្ត និងចែករំលែកអត្ថបទប្លកកាន់តែច្រើនឡើង, ចំណាត់ថ្នាក់ SERPs ដែលជាម៉ាស៊ីនស្វែងរកទំព័រលទ្ធផលរបស់អ្នកនឹងកើនឡើងដែរ មានន័យថាម៉ាស៊ីនស្វែងរកដូចជា Google ឬ Bing នឹងបង្ហាញប្លករបស់អ្នកមុនគេនៅពេលមានអ្នកស្វែងរកអ្វីមួយដែល ទាក់ទង។ ចូរចាំថា ការដាក់ប៊ូតុងចែករំលែករបស់បណ្ដាញសង្គមឲ្យបានច្រើនប្រភេទ សក្តិប្លករបស់អ្នកទៅកាន់តែខ្ពស់។

8. PageRank នឹងមានស្ថេរភាពនៅថ្ងៃបន្ទាប់ PR ធ្វើឱ្យទាន់សម័យ

ប្លកភាគច្រើនមាន PageRank ធំជាង 2 បើគេមិនហ៊ានផ្លាស់ប្ដូរ domain ថ្មីតាមតែចិត្តគេចង់ផ្លាស់ទេ ព្រោះពួកគេបារម្ភថាប្លកពួកគេនឹងបាត់បង់ PageRank។ មិនបាច់សង្ស័យទេ កាលណាយើងផ្លាស់ប្ដូរ domain ប្រាកដជាបាត់បង់ តែការបាត់បង់នេះជាបណ្ដោះអាសន្នទេ។ នៅពេលដែល robots ខាងក្នុងម៉ាស៊ីន Google ចាប់បានទីតាំងតំណប្ដូរទិសទាំងអស់របស់អ្នក, PageRank ថ្នាក់ប្លករបស់អ្នកនឹងត្រូវបានផ្ដល់ត្រឡប់មកវិញ នៅពេលគេបន្ទាប់សម័យ PageRank។ ឧទាហរណ៍ PR របស់ខ្ញុំបានធ្លាក់ចុះដល់សូន្យ បន្ទាប់ពីផ្លាស់ប្ដូរ Custom domain បានប្រហែល 3 ខែកន្លងមក PR បានឡើងទៅ 2 វិញបន្ទាប់ Google បន្ទាប់សម័យ PR ដូច្នេះមានន័យថា ខ្ញុំទទួលបាន PR ត្រឡប់មកវិញ។

9. ធ្វើឲ្យអាជីវកម្មរីកចម្រើន

នៅពេលប្លករបស់អ្នកបានទាក់ទាញចរាចរនិងចងសម្ព័ន្ធជាមួយគេស្គាល់ ច្រើនហើយនោះ អ្នកអាចបើកទទួលអត្ថបទពីអ្នកចូលមើលប្លកដែលគេចង់ចែករំលែក ឬទិញអត្ថបទពីគេ ទទួលផ្សាយផលិតផល ដាក់លក់ផ្ទាំងផ្សាយពាណិជ្ជកម្មក្នុងប្លក ដែលអាចរកប្រាក់បានទាំងថ្ងៃនិងយប់។ អ្នកឧបត្ថម្ភនឹងផ្សព្វផ្សាយប្លកយើងបើគេទុកចិត្តគុណភាពចរាចរណ៍ របស់ប្លកយើងថាបានមកដោយត្រឹមត្រូវ មិនមែនប្រើកម្មវិធីក្លែង។

10. domains ធម្មតាមួយមិនដល់ 10 ដុល្លារទេ

ឥឡូវនេះអ្នកអាចទិញ domain មានតម្លៃទាបជាង7.5$ ពី Godaddy!, ខ្ញុំគិតថាលុយត្រឹម 10$ អ្នកអាចមានលទ្ធភាពគ្រប់ៗគ្នា ព្រោះបើលោកអ្នកមានលុយបង់ថ្លៃអ៊ីនធឺណិត ដូច្នេះត្រឹម 10$ ឬ 15$ ក្នុងមួយឆ្នាំ ប្រាកដជាមានលទ្ធភាព។ គ្រាន់តែត្បិតត្បៀតចាយវាយរិះថាំ តែមួយរយៈគឺអាចទិញបានហើយ។

តើនៅគិតអីទៀត? អត់ដឹងពីរបៀបទិញ? បើបងប្អូនណាដែលធ្លាប់ទិញ domain យកប្រើជាមួយ Blogger នោះសូមចូលរួមមតិ បង្ហាញផ្លូវខ្លះៗដល់អ្នកដែលមិនទាន់បានដឹងផង ឬក៏ផ្ដល់ជាលេខទូរស័ព្ទទំនាក់ទំនងជាមួយអ្នកលក់ domain ផងបាទ។ ចំពោះខ្ញុំក៏មិនទាន់ដឹងពីរបៀបទិញនៅឡើយទេ។

Chan Virak Official

Saturday, March 19, 2016