Chan Virak Official: 2016

Tuesday, March 22, 2016

ធ្វើដូចម្ដេចទើបអាចក្លាយជាអ្នកជំនាញខាង IT ?

6:40:00 PM Samnang Nouv ខ្មែរ, គន្លឹះសិក្សារ

IT (អាយធី) ជាពាក្យកាត់របស់ information Technology ប្រែជាភាសាខ្មែរយើងថា បច្ចេកវិជ្ជាព័ត៌មានវិទ្យា ដែលសិក្សាដោយពឹងផ្អែកលើម៉ាស៊ីនកុំព្យូទ័រសុទ្ធសាធ បើគ្មានម៉ាស៊ីនកុំព្យូទ័រប្រហែលជាគ្មានមុខវិជ្ជានេះទេ។ កាលពីបុរាណគេចិញ្ចឹមសត្វដើម្បីផ្ញើព័ត៌មានឲ្យគ្នាទៅវិញទៅមក ដូច្នេះការសិក្សាផ្នែកព័ត៌មានវិជ្ជាជំនាន់បុរាណ គឺការបង្ហាត់សត្វឲ្យចេះផ្ញើសារ ផ្ញើសំបុត្រ។
ការសិក្សាជំនាញខាង IT នៅពេលបច្ចុប្បន្នកំពុងតែមានចំណាប់អារម្មណ៍យ៉ាងច្រើនពីសំណាក់ សិស្សនិស្សិត ពីព្រោះទីផ្សារការងារនៅក្នុងប្រទេសកម្ពុជាយើង ត្រូវការផ្នែកនេះយ៉ាងចាំបាច់ក្នុងដំណាក់កាលនៃបច្ចេកវិទ្យានាពេល បច្ចុប្បន្ននេះ។ តាមអ្នកដែលមានបទពិសោធន៍ខាងការរៀនខាង IT និងអ្នកជំនាញបានអះអាងថា ដើម្បីសិក្សាជំនាញ IT នេះបានជោគជ័យយើងត្រូវ ៖

1. បង្កើនចំណេះដឹងតាមរយៈការអាន និងស្រាវជ្រាវ :

ចំនុចនេះពិតជាសំខាន់ណាស់សំរាប់យើង ក្នុងការបង្កើនចំនេះដឹងអោយទាន់បច្ចេកវទ្យាដែលកំពុងតែរីកចំរើន ដូចជាការស្រាវជ្រាវតាមរយៈ គេហទំព័រ, សៀវភៅអេឡិចត្រូនិក (E-books) និងឯកសារណែនាំ ឬមើលវីដេអូសម្រាប់រៀន ។

2. ធ្វើការផ្លាស់ប្ដូរ និងចែករំលែកបទពិសោធន៍ :

អ្នកខ្លះចូលចិត្តលាក់ចំណេះដឹង និងអួតអាងហើយមិនព្រមបង្ហាញពីចំនុចខ្សោយរបស់ខ្លួនថែមទាំងមិនទទួល យកមតិរិះគន់ល្អៗពីមិត្តភ័ក្ដិទៀតផង។ ការប្រព្រឹត្តបែបនេះ នឹងធ្វើឲ្យគេមិនអាចទទួលបានចំណេះដឹង និងបច្ចេកវិទ្យាថ្មីៗបានទេ ។ យើងអាចធ្វើការផ្លាស់ប្តូរ និងចែករំលែកចំណេះដឹងតាមរយៈ វេទិកា (forum) ការសិក្សាជាក្រុម ការចូលរួមសិក្ខាសាលា ជាពិសេសសាកសួរបទពិសោធន៍ពីអ្នកជំនាញ ។

3. អនុវត្តន៍ឲ្យបានច្រើនជាងទ្រឹស្តី :

កាលណាយើងមានចំណេះដឹងហើយ យើងត្រូវតែអនុវត្តន៍នូវចំណេះដឹងដែលយើងបានរៀននោះ។ ការរៀនខាង IT គឺទាមទារឲ្យយើងអនុវត្តន៍ឲ្យបានច្រើនជាងទ្រឹស្ដី ដោយធ្វើលំហាត់ដែលមាននៅក្នុងសៀវភៅ ការចង់ដឹងចង់យល់ ព្យាយាម រកដំណោះស្រាយ ធ្វើកិច្ចការដែលគ្រូដាក់ឲ្យ ធ្វើការងារដោយមិនគិតប្រាក់ ឬការងារបានកម្រៃទាបដែលទាក់ទងនឹង IT ។

4. រៀនវគ្គជំនាញខ្លីៗឲ្យបានច្រើន :

យើងគួរលៃពេលវេលាខ្លះដើម្បីចូលរៀនវគ្គជំនាញខ្លីៗ ដែលចាត់ទុកថាមានសារៈសំខាន់ និងពាក់ព័ន្ធនឹងជំនាញដែលបានរៀន ព្រោះថាមុខវិជ្ជាខ្លះអាចធ្វើឲ្យយើង កាន់តែមានចំណេះដឹងខ្ពស់ ។

5. បង្កើនចំណេះដឹងខាងភាសាបរទេស :

មិនត្រូវមើលរំលងភាសាបរទេសឡើយ។ ទាំងក្នុងការងារ និងការសិក្សាគឺត្រូវការចំណេះដឹងភាសាបរទេសចាំបាច់មិនអាចខ្សោយបាន។ យើងត្រូវរៀនចេះយ៉ាងតិចក៏បានភាសាអង់គ្លេសមួយដែរ ។

6. តស៊ូព្យាយាម និងអំណត់អត់ធន់ក្នុងពេលធ្វើការងារនិងសិក្សា :

អ្នកខ្លះខ្វះការព្យាយាម ។ ពេលខ្លះគេជួបប្រទះបញ្ហាច្រើនតែរាថយ ហើយខ្លាចមិនហ៊ានធ្វើ។ប៉ុន្តែពេលដែលយើងអាចជម្នះលើបញ្ហាទាំងអស់ នោះបាន យើងនឹងយល់ដឹងកាន់តែច្បាស់ ។

7. រៀនកែប្រែខ្លួនពីអ្នកធ្វើមកជាអ្នកគ្រប់គ្រងវិញ :

ដើម្បីក្លាយខ្លួនជាអ្នកគ្រប់គ្រង យើងគួរតែចេះរៀបចំការងារ ចេះគ្រប់គ្រងពេលវេលាប្រើប្រាស់សមត្ថភាព ដើម្បីធ្វើការងារដោយគ្មានគិតពីការលំបាក សហការល្អ ជាមួយសហសេវិក ហ៊ានប្រឈមមុខជាមួយការងារដោយមិនរួញរា …។

Saturday, March 19, 2016

ពត៌មានពីគម្រោងអភិវឌ្ឍន៍ កោះពស់

9:19 PM ពត៌មានអំពីវិស័យសំណង់

(ប្លង់មេនៃផែនការអភិវឌ្ឍន៍កោះពស់ ដែលត្រូវបានដាក់បង្ហាញនាអំឡុងពេលបើកសម្ពោធស្ពានកោះពស់ កាលពីឆ្នាំ២០១១ ។)
ម្រោងអភិវឌ្ឍន៍ កោះពស់ ដែលបានទទួលសម្បទានពីរាជរដ្ឋាភិបាលកម្ពុជា គ្រោងនឹងបង្កើនទុនវិនិយោគរបស់ខ្លួនពីចំនួនជាង ២០០ លានដុល្លារអាមេរិកដល់ ១០០០ លានដុល្លារដើម្បីបញ្ចប់គម្រោងរបស់ខ្លួនបានតាមផែនការ។
លោក ឃៀម កុលនាថ ប្រធានផ្នែកទំនាក់ទំនងទូទៅនៃក្រុមហ៊ុន កោះពស់ អ៊ីនវេសម៉េន គ្រុប បានប្រាប់ ប៉ុស្តិ៍ អចលនទ្រព្យ នាពេលថ្មីៗនេះថា គម្រោងអភិវឌ្ឍន៍វីឡា អគារការិយាល័យ និងសណ្ឋាគារ នៅលើកោះនេះកំពុងត្រូវគេធ្វើការកែលម្អប្លង់មេសាជាថ្មី ដើម្បីឲ្យសមស្របទៅតាមស្ថានភាពសេដ្ឋកិច្ចនាពេលបច្ចុប្បន្ន។ លោកបន្តទៀតថា គម្រោងអភិវឌ្ឍន៍វីឡានាពេលកន្លងមកមិនសូវទទួលបានជោគជ័យទេ ពីព្រោះវីឡានីមួយៗមានទំហំធំ ដែលធ្វើឲ្យតម្លៃរបស់វាឡើងដល់ជិត ១ លានដុល្លារ។
លោកបានអះអាងថា៖ «បច្ចុប្បន្ននេះក្រុមហ៊ុនកំពុងរៀបចំប្លង់មេឡើងវិញមុននឹងដាក់ ពាក្យស្មើសុំការអនុញ្ញាតពីក្រុមប្រឹក្សាអភិវឌ្ឍន៍កម្ពុជាសាជា ថ្មី។ តាមគម្រោងការស្នើសុំការអនុញ្ញាតឡើងវិញនេះនឹងអាចធ្វើនៅដើម ឆ្នាំ ២០១៤ ខាងមុខ ហើយបើតាមគម្រោងប្លង់អភិវឌ្ឍន៍ថ្មីនេះអាចធ្វើឲ្យទឹកប្រាក់ វិនិយោគកើនឡើងដល់ចំនួន ១០០០ លានដុល្លារអាមេរិក»។

(ភ្ញៀវទេសចរកំពុងដើរកម្សាន្ត និងមើលស្ពានឆ្លងដៃសមុទ្រដែលតភា្ជប់ពីឆ្នេរខេត្តព្រះសីហនុ ទៅកាន់កោះពស់ ។)

គម្រោងអភិវឌ្ឍន៍របស់ក្រុមហ៊ុននេះបានដាក់ពាក្យស្នើសុំវិនិយោគ ទៅក្រុមប្រឹក្សាអភិវឌ្ឍន៍កម្ពុជា លើកដំបូងកាលពីឆ្នាំ ២០០៦ ដោយគ្រោងចំណាយទឹកប្រាក់វិនិយោគចំនួន ២៧៦ លានដុល្លារអាមេរិក។ តាមគម្រោងក្រុមហ៊ុន កោះពស់ អ៊ីនវេសម៉េន គ្រុប គ្រោងអភិវឌ្ឍន៍កោះដែលមានទំហំដី ១១៦ ហិកតានេះទៅជាកន្លែងស្នាក់នៅលំដាប់ខ្ពស់ និងជារមណីយដ្ឋានដ៏ទាក់ទាញមួយនៅប្រទេសកម្ពុជា។
លោក ឃៀម កុលនាថ បានបន្តឲ្យដឹងថា រហូតមកដល់ពេលនេះក្រុមហ៊ុនបានចំណាយប្រាក់អស់ជិត ១០០ លានដុល្លាររួចហើយដើម្បីអភិវឌ្ឍកោះមួយនេះតាមរយៈការចំណាយទៅលើ ការសាងសង់ស្ពានឆ្លងកាត់សមុទ្រពីឆ្នេរខេត្ត ព្រះសីហនុ ទៅកាន់ កោះពស់ ដែលមានប្រវែង ជិត ១០០០ ម៉ែត្រ ការកសាងហេដ្ឋារចនាសម្ព័ន្ធនៅលើកោះនិងគម្រោងចាក់ផ្លូវកៅស៊ូ ប្រវែងជាង ៥ គីឡូម៉ែត្រព័ទ្ធជុំវិញកោះប៉ុន្តែមកដល់ពេលនេះការចាក់កៅស៊ូមិន ទាន់បានចាប់ផ្តើមទេ ដោយសារប្លង់មេបាននិងកំពុងកែលម្អជាថ្មី។ លោកបន្តថា ទោះបីយ៉ាងណាលោកមិនទាន់ដឹងអំពីប្លង់មេដែលត្រូវកែលម្អឡើងវិញ នោះមានគម្រោងអភិវឌ្ឍន៍បែបណាជាក់លាក់នៅឡើយទេ។
ក្រុមហ៊ុនអភិវឌ្ឍន៍ កោះពស់ ជាកម្មសិទ្ធិរបស់វិនិយោគិន ដែលជាមហាសេដ្ឋីមកពីប្រទេស រុស្ស៊ី។
លោក នួន រិទ្ធី នាយកគ្រប់គ្រងទូទៅក្រុមហ៊ុន ប៊ុណ្ណា រៀលធី គ្រុប បានប្រាប់ថា មកដល់ពេលនេះសកម្មភាពអភិវឌ្ឍន៍ថ្មីៗនៅ កោះពស់ ហាក់មិនទាន់មាននៅឡើយទេ រីឯការចុះកិច្ចសន្យាជួយលក់លំនៅឋានរវាងក្រុមហ៊ុន ប៊ុណ្ណា រៀលធី គ្រុប ជាមួយនិងក្រុមហ៊ុនអភិវឌ្ឍន៍ កោះពស់ អ៊ីនវេសម៉េន គ្រុបក៏បានផុតកុងត្រាហើយដែរ។ លោកបន្តថា ភាពជោគជ័យរបស់គម្រោងនេះអាស្រ័យលើកត្តាបួនគឺ ទី១ ត្រូវសិក្សាលើហេដ្ឋារចនាសម្ព័ន្ធគម្រោង ទី២ ទីតាំងអភិវឌ្ឍន៍គម្រោង ទី៣ ច្បាប់ និង ទី៤ តើក្រុមហ៊ុនមានថវិកាគ្រប់គ្រាន់សម្រាប់អភិវឌ្ឍន៍គម្រោងកម្រិតណា។
លោក ហូ វណ្ឌី សហប្រធានក្រុមការងាររដ្ឋ និងឯកជនវិស័យទេសចរណ៍បានប្រាប់ថា តាមលោកដឹងគឺមានកោះជាច្រើនត្រូវបានរដ្ឋាភិបាលផ្តល់សម្បទានដល់ ក្រុមហ៊ុនឯកជននានា ប៉ុន្តែរហូតមកដល់ពេលនេះមានកោះពីរ ឬបីប៉ុណ្ណោះ បានធ្វើការអភិវឌ្ឍតាមគម្រោងរបស់ខ្លួន។
លោកបាន សំណូមពរថា សូមក្រុមហ៊ុនដែលបានទទួលបានសម្បទានពីរដ្ឋាភិបាលមេត្តាធ្វើការ អភិវឌ្ឍកោះទាំងនោះដើម្បីទាក់ទាញភ្ញៀវទេសចរ ដោយការអភិវឌ្ឍនោះអាចរក្សាបានធនធាននៅទីនោះបង្កើតការងារ និងផ្តល់ប្រាក់ចំណូលដល់ប្រជាពលរដ្ឋ។
ទោះបីយ៉ាងណាលោកថ្លែងថា៖ «យើងជាវិស័យឯកជនសំណូមពរកុំឲ្យក្រុមហ៊ុនទាំងនោះព័ទ្ធយកកោះទៅ ធ្វើជាកម្មសិទ្ធិដោយមិនឲ្យភ្ញៀវចូលទស្សនាបាន ហើយរាជរដ្ឋាភិបាលក៏គួរតែជំរុញឲ្យក្រុមហ៊ុនទាំងនោះពន្លឿនគម្រោង អភិវឌ្ឍន៍របស់ខ្លួនផងដែរ»៕

បញ្ជីឈ្មោះ ភូមិ សង្កាត់ឃុំ ខណ្ឌស្រុក ក្រុងខេត្ត ២៥ ប្រទេសកម្ពុជា

11:42:00 AM Samnang Nouv ខ្មែរ, យល់ដឹង, សៀវភៅ

ព្រះរាជាណាចក្រកម្ពុជា ឬ កម្ពុជា (អ.ស.អ.: [kɑmˈpuˈciə], ការបញ្ចេញសំឡេងខ្មែរ: [កាំ’ពុ’ជា]) ឈ្មោះផ្លូវការ ព្រះរាជាណាចក្រកម្ពុជា ជាប្រទេសមួយស្ថិតនៅផ្នែកខាងត្បូងនៃទៀបកោះឥណ្ឌូចិននៅអាស៊ីអាគ្នេយ៍។ ដែលមានផ្ទៃដីសរុបរួម ១៨១ ០៣៥ សហាតិមាត្រការ៉េ (គីឡូម៉ែត្រការ៉េ) ប្រទេសនេះមានព្រំដែនជាប់ថៃនៅខាងលិចឆៀងខាងជើង លាវខាងកើតឆៀងខាងជើង វៀតណាមនៅខាងកើត និងឈូងសមុទ្រថៃនៅខាងលិចឆៀងខាងត្បូង។

រាជធានី និងខេត្ត នៃកម្ពុជាគឺជាបំណែងចែករដ្ឋបាលថ្នាក់ដំបូង។ កម្ពុជាត្រូវបានបែងចែកទៅជា ២៥ ខេត្ត-រាជធានី។
ស្រុក ក្រុង និង ខណ្ឌគឺជាបំណែងចែករដ្ឋបាលកម្ពុជាថ្នាក់ទីពីរ។ តាមច្បាប់ស្ដីពីការគ្រប់គ្រងរាជធានី ខេត្ត ក្រុង ស្រុក ខណ្ឌ ដែលរដ្ឋសភាបានអនុម័ត ហើយព្រះមហាក្សត្របានទ្រង់ចេញព្រះរាជក្រមប្រកាសឱ្យប្រើ កាលពីពេលថ្មីៗ ប្រទេសកម្ពុជា ត្រូវបានចែកជារាជធានី និងខេត្ត។ រាជធានីចែកចេញជាខណ្ឌ ខណ្ឌចែកជាសង្កាត់។ ខេត្តចែកចេញជា ស្រុក និងក្រុង ដែលស្រុកចែកជាឃុំ និងសង្កាត់ ហើយក្រុងចែកជាសង្កាត់។ ជាលទ្ធផលនៃច្បាប់នេះ មានដូចជា ៖

ផ្លាស់ប្ដូរឈ្មោះក្រុងចំនួន ៣ មកជាខេត្តរួមមាន ៖ ខេត្តព្រះសីហនុ ខេត្តកែប និងខេត្តប៉ៃលិន។
បង្កើតក្រុងថ្នាក់ស្មើស្រុកចំនួន ៣ គឺ ៖ ក្រុងប៉ោយប៉ែតនៃខេត្តបន្ទាយមានជ័យ ក្រុងសួងនៃខេត្តកំពង់ចាម ក្រុងបាវិតនៃខេត្តស្វាយរៀង។
ធ្វើការផ្លាស់ប្ដូរទីរួមខេត្តមកជាក្រុង និងបង្កើតស្រុក ខណ្ឌថ្មី ព្រមទាំងបង្កើតក្រុងដែលបំបែកពីស្រុក ទីប្រជុំជន ខេត្តចំនួន ៥ ក្នុងនោះមាន ៖ ស្រុករុក្ខគិរីនៃខេត្តបាត់ដំបង ដែលបំបែកពីស្រុកមោងឫស្សី, ខណ្ឌសែនសុខនៃរាជធានីភ្នំពេញ ដែលបំបែកចេញពីខណ្ឌឫស្សីកែវ, ក្រុងព្រៃវែង បំបែកចេញពីស្រុកកំពង់លាវនៃខេត្តព្រៃវែង និងបានប្ដូរឈ្មោះស្រុកព្រៃវែង ទៅជាស្រុកស្វាយអន្ទរនៃខេត្តព្រៃវែងវិញ, ក្រុងក្រចេះ បំបែកពីស្រុកក្រចេះ និងបានប្ដូរឈ្មោះស្រុកក្រចេះ ទៅជាស្រុកចិត្របុរីនៃខេត្តក្រចេះវិញ, ក្រុងព្រះវិហារ បំបែកពីស្រុកត្បែងមានជ័យនៃខេត្តព្រះវិហារ និងក្រុងកំពត បានប្ដូរឈ្មោះមកពីស្រុកកំពង់បាយនៃខេត្តកំពត ហើយស្រុកកំពតក៏ត្រូវបានប្ដូរឈ្មោះទៅជាស្រុកទឹកឈូវិញ។ បច្ចុប្បន្ននេះដូចជាមានថែមស្រុកថ្មីមួយទៀតនៅខេត្តព្រៃវែង គឺស្រុកពោធិរៀង។
ខេត្តត្បូងឃ្មុំ ត្រូវបានបង្កើតឡើងដោយយោងតាមព្រះរាជក្រឹត្យ នស/រកត/១២០៣/១៤៤៥ ដែលធ្វើនៅថ្ងៃទី ៣១ ខែ ធ្នូ ឆ្នាំ ២០១៣ ហើយត្រូវបានចេញប្រកាសនៅដើមខែ មករា ឆ្នាំ ២០១៤ ។ ខេត្តនេះត្រូវបានបង្កើតឡើងដោយកាត់យកក្រុងចំនួន ១ និងស្រុកចំនួន ៦ ពីខេត្តកំពង់ចាមគឺ ក្រុងសួង ស្រុកត្បូងឃ្មុំ ស្រុកអូររាំងឪ ស្រុកក្រូចឆ្មារ ស្រុកតំបែរ ស្រុកពញាក្រែក និងស្រុកមេមត់ ។

ព័ត៌មានបន្ថែម សូមចូលទៅកាន់គេហទំព័រគណៈកម្មាធិការជាតិសម្រាប់ការអភិវឌ្ឍតាមបែប ប្រជាធិបតេយ្យនៅថ្នាក់ក្រោមជាតិ (គ.ជ.អ.ប)
http://db.ncdd.gov.kh/gazetteer/view/index.castle
ឯកសារយោង https://km.wikipedia.org
ដោនឡូដតារាងឈ្មោះរបស់ភូមិសង្កាត់ ឃុំខណ្ឌ ស្រុកក្រុងទាំង២៥ ខេត្តរាជធានីនៃព្រះរាជាណាចក្រកម្ពុជា ចុចត្រង់នេះ

	ឈ្មោះខេត្ត / រាជធានី	ឈ្មោះជាភាសាអង់គ្លេស	ក្រុង	ស្រុក	ខណ្ឌ	ឃុំ	សង្កាត់	ភូមិ
1	ខេត្តបន្ទាយមានជ័យ	Banteay Meanchey Province	2	7	0	55	10	644
2	ខេត្តបាត់ដំបង	Battambang Province	1	13	0	92	10	800
3	ខេត្តកំពង់ចាម	Kampong Cham Province	1	9	0	105	4	916
4	ខេត្តកំពង់ឆ្នាំង	Kampong Chhnang Province	1	7	0	65	4	560
5	ខេត្តកំពង់ស្ពឺ	Kampong Speu Province	1	7	0	82	5	1,344
6	ខេត្តកំពង់ធំ	Kampong Thom Province	1	7	0	73	8	749
7	ខេត្តកំពត	Kampot Province	1	7	0	88	5	488
8	ខេត្តកណ្ដាល	Kandal Province	1	10	0	121	6	1,010
9	ខេត្តកោះកុង	Koh Kong Province	1	6	0	26	3	117
10	ខេត្តក្រចេះ	Kratie Province	1	5	0	41	5	253
11	ខេត្តមណ្ឌលគិរី	Mondul Kiri Province	1	4	0	17	4	90
12	រាជធានីភ្នំពេញ	Phnom Penh Capital	0	0	12	0	96	909
13	ខេត្តព្រះវិហារ	Preah Vihear Province	1	7	0	49	2	229
14	ខេត្តព្រៃវែង	Prey Veng Province	1	12	0	113	3	1,137
15	ខេត្តពោធិ៍សាត់	Pursat Province	1	5	0	42	7	507
16	ខេត្តរតនគិរី	Ratanak Kiri Province	1	8	0	46	4	243
17	ខេត្តសៀមរាប	Siemreap Province	1	11	0	87	13	876
18	ខេត្តព្រះសីហនុ	Preah Sihanouk Province	1	3	0	22	5	111
19	ខេត្តស្ទឹងត្រែង	Stung Treng Province	1	4	0	30	4	128
20	ខេត្តស្វាយរៀង	Svay Rieng Province	2	6	0	68	12	690
21	ខេត្តតាកែវ	Takeo Province	1	9	0	97	3	1,119
22	ខេត្តឧត្ដរមានជ័យ	Oddar Meanchey Province	1	4	0	19	5	286
23	ខេត្តកែប	Kep Province	1	1	0	2	3	18
24	ខេត្តប៉ៃលិន	Pailin Province	1	1	0	4	4	79
25	ខេត្តត្បូងឃ្មុំ	Tboung Khmum Province	1	6	0	62	2	865
		សរុប	26	159	12	1,406	227	14,168

សៀវភៅ Adobe Photoshop CS5 ជាភាសាខ្មែរ ដោយ វិទ្យាស្ថានជាតិពហុបច្ចេកវិទ្យា ២០១១

9:18:00 PM Samnang Nouv ខ្មែរ, សៀវភៅ

៙ ព័ត៌មានអំពីសៀវភៅ ៖

- ឈ្មោះសៀវភៅ : Adobe Photoshop CS5 ជាភាសាខ្មែរ
- ចេញផ្សាយ : វិទ្យាស្ថានជាតិពហុបច្ចេកវិទ្យា
- រៀបចំដោយ : Mr. Hin Puthea Lacturers of NPIC
- ឆ្នាំបោះពុម្ពចេញផ្សាយ : ២០១១
- ចំនួនទំព័រ : ២៤១ ទំព័រ
- ទំហំឯកសារ : ៨៥ MB
- ប្រភព : www.civil-konkhmer.blogspot.com

Click To Download

កាត់វីដេអូដោយមិនបាត់គុណភាពជាមួយ Video Cutter

6:21:00 PM Samnang Nouv Video Editing, គន្លឹះអាយធី

ឥឡូវនេះភាគច្រើននៃកម្មវិធីបម្លែងវីដេអូ សុទ្ធតែមានមុខងារអាចកាត់វីដេអូបាន, តែអ្វីដែលយើងពិបាកនោះគឺ បន្ទាប់ពីកាត់រួច កម្មវិធីទាំងនោះតែងតែតម្រូវឲ្យធ្វើការបម្លែងទើបអាចទទួលបាន ឯកសារវីដេអូដែលយើងកាត់នោះ។ ចុះខ្ញុំគ្រាន់តែចង់កាត់ ដោយមិនបម្លែងអីទេ? បាទចម្លើយគឺ សូមណែនាំពីរបៀបប្រើ Video Cutter ជាកម្មវិធីមួយ ដែលអាចកាត់វីដេអូមានទំហំតូច ហើយមិនធ្វើឲ្យខូចគុណភាពនៃវីដេអូរបស់លោកអ្នកឡើយ ។ កម្មវិធីនេះក៏អាចបំប្លែងវីដេអូទៅជា MPEG4, MP3, DivX, WMV, FLV បានទៀតផង ។

- ទាញយកទីនេះ៖ ទាញយក (ទំហំ 3.12 MB)

៙ វិធីប្រើកម្មវិធី Free Video Cutter ៚

មុនពេលដែលចង់ធ្វើការកាត់ (Cute) ឬបំប្លែងវីដេអូ លោកអ្នកអាចកំណត់ភាពជាក់លាក់របស់វីដេអូឲ្យកាន់តែមានភាពច្បាស់ជាង មុនបាន (Precision) ដោយគ្រាន់តែលោកអ្នកចុចលើប៊ូតុង Option នោះវានឹងបង្ហាញនូវផ្ទាំងមួយសម្រាប់ឲ្យកំណត់ រួចហើយចុច OK សូមមើលរូបខាងក្រោម ៖

នៅពេលដែលចុចប៊ូតុង OK វានឹងបង្ហាញនូវផ្ទាំងមួយប្រាប់លោកអ្នកមិនអាចដំណើរការបានទេ ព្រោះវាទាមទារឲ្យមានវីដេអូ ប៉ុន្តែវាបានកំណត់យក Precision នេះហើយ (មានន័យថានៅពេលដែលលោកអ្នកជ្រើសវីដេអូ បន្ទាប់មកធ្វើការកាត់ ឬ បំប្លែងវីដេអូគឺវាបានកំណត់ Precision ទៅតាមអ្វីដែលបានកំណត់ខាងលើ) ។

បន្ទាប់មកលោកអ្នកអាចបំប្លែងវីដេអូទៅជា MPEG4, MP3, DivX, WMV, FLV បាន ដោយគ្រាន់តែ Select ទៅលើ Option ណាមួយដែលចង់បាន

រួចហើយលោកអ្នកអាចធ្វើការជ្រើសរើសវីដេអូដែលចង់ធ្វើការកាត់ ឬបំប្លែងបាន ដោយគ្រាន់តែចុចលើប៊ូតុង Open Video បន្ទាប់មកស្វែងរកទីតាំងដែលលោកអ្នករក្សាទុកវីដេអូ

បន្ទាប់មកលោកអ្នកអាចកាត់វីដេអូបាន គ្រាន់តែប្រើ Mouse ទាញ ដើម្បីកំណត់ពីការចាប់ផ្ដើម (Start Position) និង បញ្ចប់ (End Position) ហើយនៅពេលដែលលោកអ្នកទាញនោះ កម្មវិធីនេះវាធ្វើការ view វីដេអូ ដើម្បីឲ្យមានភាពងាយស្រួលក្នុងការកំណត់

+ ការរក្សាទុក ៚

បន្ទាប់ពីលោកអ្នកធ្វើការកំណត់រួចរាល់ហើយ លោកអ្នកអាចរក្សា (Save) ទុក File ដែលបានកំណត់នោះបាន ដោយគ្រាន់តែចុចលើប៊ូតុង Save Video រួចហើយវាទាមទារឲ្យរកទីតាំងមួយសម្រាប់ដាក់ File វីដេអូនោះ

https://drive.google.com/file/d/0B53MAWT2L8CNcWUtN0VOQ0tjdlU/view?usp=sharing

របៀបបង្កើតតំណទាញយកភ្លាមៗ Google Drive Direct Link

10:52:00 AM Samnang Nouv Blogger, Blogger Tip, Google, គន្លឹះអាយធី

សួស្ដី!!!! សុខសប្បាយជាទេ? ប្លក់អាក្បាលធំចាប់ផ្ដើមសរសេរគន្លឹះ Blogger ជាភាសាខ្មែរឡើងវិញហើយ។ ខ្ញុំជឿថាអ្នកបង្កើត Email សម័យឥឡូវសឹងតែ 98% តែងតែជ្រើសរើសយក Gmail របស់ Google យកមកប្រើ ដែលកាលមុនចូលចិត្តណាស់ Yahoo mail ព្រោះថា Google mail កាលមុនដំបូងមិនអាចបង្កើតបានស្រួលៗទេ ទាល់តែមានអ្នកអញ្ជើញ បានៗប្រើ។

ឥឡូវនេះ (ឥឡូវអីយូរយារហើយ) Google បានច្របាច់ ទំហំស្តុកឯកសារ Gmail, Google Drive, រូបភាព ដាក់ចូលគ្នា បានដល់ទំហំ 15GB ប្រើអីប្រើទៅកុំឲ្យតែអស់ 15GB តែបើសិនប្រើមិនគ្រប់ ត្រូវបង់ថ្លៃសេវា ។ តែបើប្រៀបធៀបជាមួយ Mega វិញគឺចាញ់ដាច់ តែ Mega គែតាមធ្វើបាបរហូត ព្រោះម្ចាស់វាសំបូរលុយណាស់ ដោយសាររកស៊ីដាក់ស្តុកឯកសារឲ្យគេក្នុងអ៊ីនធឺណិត។ ឃើញថាទោះជាគេតាមធ្វើទុក្ខបុកម្នេញយ៉ាងណា ក៏សេវាកម្មរបស់គាត់ឈរលើគេគឺ Free 50GB ។

កុំគិតច្រើន អ្នកណា Free អី Free ទៅ សំខាន់បើយើងយកឯកសារទៅដាក់នៅនឹងគេហើយ ហើយគេលុបឯកសាររបស់យើង ចឹងការរក្សាទុកវាក្លាយជាគ្មានន័យ។ ចឹងទេយើងត្រូវចេះរកកន្លែងណាដែលមានច្រើន ហើយអត់លុបឯកសាររបស់យើងចោល។

ចំណាំ ៖ សូមអ្នកទាំងអស់គ្នាកុំយកឯកសារទៅទុកនៅ MediaFire វា Free ច្រើនមែន តែរហ័សលុបចោលផុយៗណាស់។ ម៉ាស៊ីនស្តុកឯកសារតម្លៃរាប់សិនលាន គេបង្កើតមកសម្រាប់ Free ឲ្យយើង? មិនងាយទេ ទាល់តែក្រុមហ៊ុនធំៗ ដូចជា Google Microsoft បានគេអាចធ្វើចឹងបាន ឲ្យយើងរក្សាទុកដោយមិនលុបរបស់យើង។

ចូលដល់គន្លឹះយើងវិញ រីករាយក្នុងការចែករំលែក!!!!

៙ របៀបធ្វើ google drive direct link ៖

- បង្កើតគណនី google drive ដោយប្រើ Gmail របស់លោកអ្នកណាមួួយ។
- យើងអាចបង្កើត Folder ឬក៏បង្ហោះឯកសារភ្លាមៗក៏បាន ។

- ចូលទៅស្វែងរកឯកសារដែលយើងចង់ Upload ។
- កំណត់សិទ្ធិឯកសារ ឲ្យមើលបានជាសាធារណៈ ចុចម៉ៅស្ដាំលើឯកសារ >>> ជ្រើសយក Share

- ចុចលើពាក្យ Advanced

-ចុចលើ Change... បើឯកសារអ្នកមិនទាន់ Public on the web

- ជ្រើសយក On - Public on the web >> Save ដើម្បីបើកសិទ្ធិចែកចាយឯកសារដល់អ្នកដ៏ទៃ។

- ចម្លងតំណ Google Drive (បញ្ជាក់តំណនេះធម្មតានៅឡើង មិនមែនជា direct link ដែលចុចភ្លាមអាចទាញយកបានភ្លាមដោយមិនបង្ហាញផ្ទាំងអ្វីសោះនោះ ទេ)។

- នោះយើងហ្នឹងទទួលបានតំណទាញយកលំនាំដើមរបស់ Google Drive បានទម្រង់បែបនេះ ៖

https://drive.google.com/file/d/0Byw4IHqq4ZDMQkYxb1oxY0NFR28/view?usp=sharing

- យើងត្រូវចម្លង ID ឯកសារ (ដែលខ្ញុំដាក់ពណ៌ខៀវ អ្នកទាំងអស់គ្នាអាចមើលនិងចំណាំវាទុក)។
- ដាក់ចូលក្នុងតំណទាញយកជាទម្រង់ខាងក្រោមនេះវិញ ៖

https://docs.google.com/uc?id=0Byw4IHqq4ZDMcUdhV2wzWlpwcjA&export=download

- នោះយើងអាចយកតំណនេះ ទៅដាក់ឲ្យគេទាញយកនៅក្នុងអត្ថបទប្លក់របស់យើង បានយ៉ាងត្រជាក់ចិត្ត ដឹងតែថាចុចភ្លាមទាញយកភ្លែត។

បន្ថែម ៖ Google Drive ឲ្យទំហំផ្ទុកឯកសារដល់ទៅ 15GB (គិតថា 13GB ចុះ) ហើយអត់ចេះលុបឯកសាររបស់យើងទេ ចឹងសួរថា តើយើងចាំបាច់ប្រើ Drupbox, Box ដែលមានទំហំស្តុក 2GB ធ្វើអ្វីបន្ថែមទៀត ? (ប្រើអីប្រើទៅជាសិទ្ធិរៀងៗខ្លួនទេតើ!!!)

ភាពខុសគ្នារវាង Pages និង Post

10:12:00 AM Samnang Nouv Blogger, Blogger Tip

ខាងក្រោមនេះខ្ញុំនិយាយអំពីភាពខុសគ្នារវៀង Pages និង Post

មិនមែននិយាយអំពីការដាក់ Menu drop-down ទេ

នៅលើ Wordpress គេមានចំណាត់ក្រុមអោយយើងប្រើសម្រាប់ ដាក់ Post (ប្រកាស) ទៅតាមផ្នែកផ្សេងៗ ដែរយើងបានបង្កើត ឧទាហរណ៍ ខ្ញុំ និយាយអំពី កុំព្យូទ័រ ហើយនៅក្នុង ផ្នែកកុំព្យូទ័រវាមាន កម្មវិធីថ្មី , ផលិតផលថ្មី , គន្លឹះអ៊ីនធឺណិត តែនៅ Blogspot នេះវិញមិនអាចដាក់ ទៅតាមចំណាត់ក្រុមបានទេ មូលហេតុមកពីគ្មានមុខងារចំណាត់ក្រុម ??? តែយើងក៏អាចច្នៃអោយមានចំណាត់ក្រុមដែរដោយប្រើមុខងារ Labels (ផ្លាក) វិញ សូមបញ្ជាក់ថា Tag នៅ Wordpress ទុកសំរាប់អោយយើងដាក់ពាក្យដែរទាក់ទង
នឹង Post ណាមួយ ឧទាហរណ៍ ខ្ញុំសរសេរប្រកាសមួយដែរនិយាយអំពី Windows 8 ដូចនេះខ្ញុំដាក់ Tag អោយមានពាក្យ Windows7 , computer , Windows 8 គឺជាការដាក់ពាក្យអោយទាក់ទង នឹងប្រធានបទ Windows 8 ដើម្បីទុកជាពាក្យគន្លឹះ អោយអ្នកទស្សនាស្វែងរកដោយគេវាយ ពាក្យណាមួយដែរគេចង់ដឹងនៅពេលដែរគេមិនដឹងថាមានអីខ្លះនៅក្នុង ប្លក់របស់យើង តែ Blogspot វិញគឺផ្សេង ។ សូមមើលពីភាពខុសគ្នាដូចខាងក្រោម៖

Pages ឬក៏ ទំព័រ ៖

Pages យើងបង្កើតវាដើម្បីសរសេរប្រកាសអីមួយដែរវាការប្រើប្រាស់ញឹកញាប់ ឬក៏ចង់អោយវាបង្ហាញអោយអ្នកទស្សនាឃើញរហូត ឧទាហរណ៍ ខ្ញុំចង់ដាក់ប្រកាសមួយអំពី ទាញយកកម្មវិធីថ្មីៗ ឬ ពុម្ពអក្សរខ្មែរយូនីកូដ ដោយខ្ញុំចង់អោយវាបង្ហាញនៅលើ Menu វាងាយស្រួលអោយគេឆាប់ឃើញនិងជារៀងរហូត។ ដូចនេះខ្ញុំមិនសរសេរវាជា Post (ប្រកាស)ទេ ខ្ញុំត្រូវសរសេរវាជា Page (ទំព័រ) វិញ ដោយចូលទៅកាន់ Pages >> New page រួចសរសេរអ្វីដែរយើងចង់បង្ហាញ (សូមមើលរូបខាងក្រោម)

Pages >> New page >> Blank page

-Blank page : មានន័យថាយើងបើកយកមួយទំព័រដើម្បីសរសេរ។

-Web address : មានន័យថាយើងចង់ដាក់ Link (តំណ) ពី វ៉េបសាយ/ប្លក់ ពីខាងក្រៅ។

-Top tabs : បង្ហាញ Menu Page (ទំព័រ) នៅផ្នែកខាងលើ (ជាប់ខាងក្រោម Banner)
-Side links : ដាក់ Menu នៅចំហៀង
-Don't show : មិនបង្ហាញ Menu

Post ឬក៏ ប្រកាស ៖

Post គឺរាល់អត្ថបទដែរយើងសរសេរទូទៅ ត្រង់ចំនុចនេះខ្ញុំចង់បកស្រាយអោយអ្នកដែរកំពុងប្រើ និង មិនទាន់បានប្រើ អោយបានជ្រាបថា៖ យើងត្រូវប្រើមុខងារ Labels (ផ្លាក) អោយដើរតួជា Catalog (ចំណាត់ក្រុម) ដែរមុខងារ ចំណាត់ក្រុម មិនមាននៅលើ Blogspot ទេគឺមានតែនៅ Wordpress តែប៉ុណ្ណោះ។ ដូច្នេះយើងមានតែយក Labels ប្រើជា Catalog ។ ដូច្នេះ Lables របស់ Blogspot មានមុខងារដូច Catalog របស់ Wordpress ដែរតែ Labels មិនទូលំទូលាយ ឬមិនមានភាពងាយស្រួលឡើយ(ព្រោះយើងមិនអាចកែប្រែពាក្យ Labels បានទេ នៅពេលដែរយើងចង់ដូរឈ្មោះ Labels មានតែវិធីមួយគត់គឺ បង្កើត Labels ថ្មីមួយ រួចយកជញ្ជូន Post យកមកដាក់ក្នុងLabels ថ្មីនោះ(សូមមើលរូបខាងក្រោម)

Tag នៅ Blogspot គឺជា Catalog :D

-All : បង្ហាញប្រកាស (អត្ថបទ) ទាំងអស់ ។
-Draft : គឺជាកន្លែងបង្ហាញប្រកាសដែរមិនទាន់ផ្សព្វផ្សាយ។ បើតាមរូបខាងលើ គឺមាន 1 ប្រកាស ដែរមិនទាន់បានផ្សព្វផ្សាយ។
-Published : បង្ហាញចំនួនប្រកាសដែរបានផ្សព្វផ្សាយរួច។
-Revert to draft : ដកយកប្រកាសដែរបានផ្សព្វផ្សាយរួច ទុកវិញ (មិនបង្ហាញវិញ)។

Labels នៅពេលនោះគឺ Catalog

-ប្រអប់ Labels : ជាកន្លែងអោយយើងបង្កើតថ្មីមួយ វាដូចយើងបង្កើត Catalog នៅ Wordpress ដែរ ។ សូមលោកអ្នកគិតអោយបានច្បាស់នូវពាក្យ ដែរចង់បង្កើត ដោយសារវាមិនមានមុខងារអោយកែប្រែទេមានតែ បង្កើតថ្មីមួយទៀត >> នាំប្រកាសដាក់ចូលអាថ្មីហ្នឹង >> រួចលុបអាចាស់ចោល។
-អក្សរនៅក្នុងគំនូសក្រហមដែរខ្ញុំគូសនេះ គឺជា Labels ដែរខ្ញុំបានបង្កើតរួចហើយ ដូចនេះយើងត្រូវដឹងថា Labels មួយស្មើ Folder មួយ ដែរជួយយើងរៀបទុកដាក់ប្រកាសអោយមានរបៀបរៀបរយ។ ដោយលើកក្រោយយើងមិនបង្កើតថ្មីទេ គឺយើងយកអាចាស់ប្រើទៀត ។

របៀបបង្ហាញ Lables នៅចំហៀងប្លករបស់យើង៖

-ចូលទៅ Layout >> Add a Gadget >> Labels (ភាគច្រើនគេដាក់នៅផ្នែកចំហៀងនិងនៅលើគេ)

ការកំណត់ Gadget Lables ខ្លះៗ

-Title : សម្រាប់ដាក់ឈ្មោះអោយ Gadget Labels ភាគច្រើនគេដាក់ថា "មើលប្រកាសតាមចំណាត់ក្រុម" ។
-Show :

+All Labels : បង្ហាញ Labels ទាំងអស់

+Selected Labels : ចង់បង្ហាញខ្លះ លាក់ទុកខ្លះ (សម្រាប់អ្នកដែរចង់មិនបង្ហាញ Labels ណាមួយ ដោយចុចលើពាក្យ Edit រួចដោះ ធីចណាមួយចេញ។

-Sorting :

+Alphabetically : បង្ហាញតាមលំដាប់អក្សរ

+By Frequency : បង្ហាញតាមភាពញឹកញាប់

-Display :

+List : បង្ហាញជាតារាង

+Cloud : បង្ហាញជា ផ្សែងពពក

-Show number of post per label : កំណត់អោយបង្ហាញ ចំនួនប្រកាសក្នុង Labels នីមួយៗ

សង្ខេបសេចក្ដី៖

- Pages មិនមានអោយកំណត់ Lables ទេ គឺឯករាជមិនឋិតក្នុងចំណាត់ក្រុម។

- Post មានអោយកំណត់ Lables ដូច្នេះត្រូវប្រើវាជាប្រកាសដែរឋិតក្នុងក្រុមណាមួយ។

មតិ អាក្បាលធំ៖ សូមលោកអ្នកដែរកំពុងប្រើ Blogspot ទាំងអស់ត្រូវរៀបចំទុកដាក់ "ប្រកាស" អោយមានរបៀបរបបត្រឹមត្រូវ គឺត្រូវរៀបចំទុកក្នុង Labels នីមួយៗ មិនត្រូវទុក "ប្រកាស" អារាត់អារាយ ប៉ាតណាប៉ាតណី នោះទេ។ មូលហេតុគឺដើម្បីផ្ដល់ភាពងាយស្រួលដល់អ្នកចូលទស្សនា អាចបើកមើលតាម Labels នេះបាន ដោយមិនត្រូវការបើកមើលតាម ខែឆ្នាំ នោះទេ៕

មុខងារ Readmore ដែលមានស្រាប់ក្នុង Blogger

10:36:00 AM Samnang Nouv Blogger, Blogger Tip

តើត្រូវធ្វើយ៉ាងម៉េចទើបអោយទំព័រដើម (Home) បង្ហាញប្រកាសជាសង្ខេបៗ ដោយមានតំណអោយចុចដើម្បីចូលទៅអានប្រកាសពេញនោះ (សម្រាប់ template ដែលអត់មាន Auto Readmore) ។ ភាគច្រើននៃ Theme ឬ Template ដែរ Download ពីវ៉ែបសាយដ៏ទៃ គឺបានបញ្ចូលមុខងារ {{ អានបន្ត Read More }} មកជាមួយស្រាប់ ដែលជាហេតុធ្វើអោយអ្នកប្រើ Blogspot ភាគច្រើនចូលចិត្ត ទាញយកមកដំឡើងណាស់។ តែបើយើងជាអ្នកអភិវឌ្ឍន៍ សូមកែច្នៃដោយដៃយើងផ្ទាល់វិញទើបរីកចម្រើន ដោយយើងត្រូវស្រាវជ្រាវស្វែងរកកូដ (Code) នៅតាមវ៉ែបសាយផ្សេងៗ មកតុបតែងទើបយើងបានចំណេះពិតប្រាកដ មិនមែនយកស្រាប់ៗ។

Blogspot បានបង្កប់មុខងារនេះមកជាមួយដែរ តែសម្រាប់អ្នកដែលទើបរៀនប្រើដំបូងមិនសូវស្គាល់មកពីមុខងារនោះ មានឈ្មោះខុសពីតួនាទីពិតរបស់វា ដែរជាហេតុធ្វើឲ្យឆ្ងល់ (កាលពីមុនខ្ញុំក៏ឆ្ងល់ដែរ តើធ្វើយ៉ាងម៉េចទើបអាចបង្ហាញជាសង្ខេបបាន?) ឥឡូវមានចំលើយហើយ ហើយថែមទាំងមិនបាច់សរសេរកូដអីនោះទេ ងាយៗសំរាប់មនុស្សដូចជាខ្ញុំនេះ និងអ្នកដែរមិនចេះកូដ។
សូមមើលដូចខាងក្រោមនេះ៖

វិធីប្រើ Readmore ដែលមានស្រាប់ក្នុង Blogger ៖

- Log ចូលទៅក្នុងគណនី Blogspot របស់អ្នកដោយចូលតាម www.blogger.com

- សរសេរអត្ថបទមួយ ឬក៏បើកយកអត្ថបទចាស់របស់អ្នក យកមកកំណត់អោយបង្ហាញជាលក្ខណៈសង្ខេបនៅទំព័រ Home
- ចុចដាក់ សញ្ញា Cursor ដែរលោត "ទឹត" ដាក់កន្លែងណាដែរអ្នកចង់អោយបង្ហាញសង្ខេបត្រឹមកន្លែងនោះ រួចចុចប៊ូតុង

Insert jump break ជាការស្រេច ។ សូមមើលរូបឧទាហរណ៍ខាងក្រោមនេះ៖

ចំណាំ៖ លោកអ្នកត្រូវរៀបចំត្រួតពិនិត្យអត្ថបទរួចរាល់អស់សិនទើបប្រើ Insert jump break ជាចុងក្រោយគេ។

ដូរអក្សរ Readmore អោយទៅជា ភាសាខ្មែរវិញ៖

-ចូលទៅ Layout >> ចុចប៊ូតុង Edit ត្រង់កន្លែង Blog Posts (សូមមើលរូបខាងក្រោម)៖

នោះនឹងលេចចេញផ្ទាំង Configure Blog Posts ចេញមកអោយយើងកំណត់ ៖

-Mumber of post on main page: ជាការកំណត់ចំនួន Post អោយបង្ហាញនៅទំព័រ Home
-Post page link text: កំណត់អក្សរដែរយើងចង់បាន ឧទាហណ៍៖ ចុចទីនេះអានបន្ត >>
រួចចុចប៊ូតុង SAVE ជាការស្រេច :D ៕

របៀប Backup និង Restore Template របស់ប្រព័ន្ធ Blogger

2:46:00 PM Samnang Nouv Blogger, Blogger Tip

Template របស់ប្លកប្រៀបដូចជាសំលៀកបំពាក់របស់ប្លក ដែលវាមិនខុសគ្នារវាង Theme របស់ប្រព័ន្ធដំណើរការ Windows ដែលជួយអោយមានរូបរាងផ្សេងៗគ្នា ទៅតាមចំណូលចិត្តអ្នកបង្កើត និងអ្នកប្រើប្រាស់។ Blogger បានអនុញ្ញាតអោយអ្នកប្រើប្រាស់ មានសិទ្ធិអាចកែប្រែ បញ្ចូលកូដទៅក្នុង Template ឬ ក៏ប្ដូរថ្មី ដែលអ្នកប្រើអាចរកបានដោយ Free ឬ គិតលុយ នៅតាមគេហទំព័រមួយចំនួន។

លើកនេះខ្ញុំសូមកលើកយកពីរបៀប Backup template ក្នុងប្រព័ន្ធ Blogger !!! មូលហេតុដែលត្រូវធ្វើការ Backup មកពីយើងត្រូវរក្សាទុក Template ដែលកំពុងប្រើទុក មុននឹងបញ្ចូលកូដ (Code) ផ្សេងៗ បង្ការក្រែងលោមានការថ្លោះធ្លោយ ដោយសារការបញ្ចូលកូដខុសក្នុង Template។ ឬមួយវិញទៀតយើង Backup វាទុកដើម្បីចែកឲ្យអ្នកដទៃប្រើ សូមមើលខាងក្រោមនេះ៖

ក- របៀប Backup ឬ Restore Template តាមធម្មតា៖

- ចូលទៅក្នុងគណនី Blogger របស់អ្នកតាម www.blogger.com
- ចូលទៅកាន់ Template >> Backup / Restore (សូមមើលរូបខាងក្រោម)

- នោះលោកអ្នកនឹងឃើញផ្ទាំងអោយអ្នកចាត់ការជាមួយ Template

1- Download full template : ចុចដើម្បីទាញយក Template ទុកក្នុងកុំព្យូទ័រ។
2- Upload a template from on your hard drive : ចូលទៅរកឯកសារ Template ដែលអ្នក ចង់ដំឡើងពីក្នុងកុំព្យូទ័ររបស់អ្នក ។
3- ប៊ូតុង Upload ចុចសម្រាប់ពេលយើងត្រូវការ Upload ស្បែកប្លក់។

ចំណាំ ៖ ឯកសារ template មានកន្ទុយជា *.XML ។

ខ- របៀប Upload template តាមវិធីនេះពេល Upload តាមធម្មតាមិនទៅ ៖

នៅពេលខ្លះយើងមិនអាច upload template ទៅបានទេ បណ្ដាលមកពី template មានទំហំធំពេក ឬមកពីអ៊ីនធឺណិតដើរយឺតពេក ឬ ....។ ដូច្នេះយើងប្រើវិធីនេះវិញ បានទៅបាន ៖
ឧទាហរណ៍ យើងបានទាញយក template ស្អាតមួយពីគេហទំព័រផ្សេង ហើយចង់ដំឡើង template នោះដាក់ក្នុងប្លក់យើង ដោយ ត្រូវ Copy កូដទាំងអស់ដែលមានក្នុងឯកសារ XML យកមកដាក់ក្នុង template Editor ។

- ចម្លងកូដក្នុងឯកសារ XML ដោយប្រើកម្មវិធី Notepad

- ចូលទៅកាន់ Template >> Backup / Restore (សូមមើលរូបខាងក្រោម)

- លុបកូដក្នុង template Editor ចោល រួចហើយដាក់កូដថ្មីចូល រួចចុច Save template ជាការស្រេច។ ធ្វើរបៀបនេះធានាថាជោគជ័យ ទោះជាអ៊ីនធឺណិតដើរយឺតក៏ដោយ។

ចំណាំ ៖ មុននឹង ធ្វើការផ្លាស់ប្ដូរ template ថ្មីត្រូវ Copy Code Widget ទាំងឡាយដែលមានជាមួយប្លក់របស់យើង ឲ្យហើយអស់សិន ជៀសវាងពេលដំឡើង template ថ្មីធ្វើឲ្យបាត់ Widget អស់។

ចង់បាន Template ថ្មីៗ ស្អាតៗ?

Blogspot បានដាក់ Template អោយជ្រើសរើសបួនដប់ដែរ តែមិនជាស្អាតទេ ដូចនេះលោកអ្នកប្រាកដជាត្រូវការទាញយក Template ពីគេហទំព័រនានា ដើម្បីយកមកកែប្រែរូបរាងប្លក។ ខ្ញុំសូមណែនាំគេហទំព័រមួយដែលមានមុខងារអាចអោយអ្នកស្វែងរក Template ដែលអ្នកពេញចិត្ត ទៅតាមផ្នែក ដូចជា៖ Topic, Layout, Feature និង Color។

http://www.mybloggerthemes.com/

-Template របស់ Blogspot មានកន្ទុយឯកសារជា *.xml

សូមអរគុណដែលចូលមើលប្លក់អាក្បាលធំ

របៀបប្ដូរពុម្ពអក្សរ Hanuman ដែលមានស្រាប់ក្នុង Blogger

6:07:00 PM Samnang Nouv Blogger, Blogger Tip

សម្រាប់បងប្អូនដែលកំពុងប្រើ template ដែលមានក្នុងប្រព័ន្ធ Blogger ស្រាប់ៗ ឥឡូវនេះ Blogger បានបន្ថែមពុម្ពអក្សរខ្មែរយូនីកូដមួយឈ្មោះថា ហនុមាន (Hanuman) ចូលទៅក្នុងប្រព័ន្ធប្លករួចជាស្រេច ដែលជាហេតុធ្វើអោយអ្នកប្រើប្លក មិនចាំបាច់ត្រូវសរសេរ ឬ ចម្លងកូដពី Google Web Fonts នោះទេ ដោយគ្រាន់តែជ្រើសរើសយកជាការស្រេច។

មូលហេតុដែលយើងបង្កប់ពុម្ពអក្សរខ្មែរក្នុងប្លក់របស់យើង គឺដើម្បីអោយម៉ាស៊ីនកុំព្យូទ័រដែលមិនបានដំឡើងពុម្ពអក្សរខ្មែរ យូនីកូដឈ្មោះ Hanuman អាចមើលឃើញពុម្ពហនុមានបាន ដោយមិនបាច់ដំឡើងពុម្ពហនុមាន ក្នុងម៉ាស៊ីនរបស់ពួកគេឡើយ ហើយម៉្យាងទៀតដើម្បីកុំឲ្យកម្មវិធី browser បង្ហាញពុម្ពអក្សរខុសពីចិត្តរបស់ម្ចាស់ប្លក។ ដើម្បីបើកប្រើសូមចូលទៅកំណត់ដូចខាងក្រោម៖

template ដែលមានស្រាប់ៗក្នុងប្រព័ន្ធ Blogger

៙ របៀបបង្កប់ពុម្ពអក្សរខ្មែរយូនីកូដឈ្មោះហនុមាន (Hanuman) ក្នុងប្លក ៖

- ចូលទៅក្នុងគណនី Blogger របស់អ្នកតាម www.blogger.com

- ចូលទៅកាន់ Template >> Customize (សូមមើលរូបខាងក្រោម)

- ចុចលើពាក្យថា Advanced រូចកំណត់ត្រង់កន្លែង៖

Page Text (ជាអក្សរអត្ថបទ) : រើសយក Hanuman (ភាសាខ្មែរ) ឯទំហំខ្ញុំយក 14px ។
Blog Title (ជាចំណងជើងប្លកដែលឋិតនៅក្បាលប្លក) : រើសយក Hanuman (ភាសាខ្មែរ) ឯទំហំអាស្រ័យលើលោកអ្នក ។
Tab Text (ជាអក្សររបស់ Page ឬ Link) : រើសយក Hanuman (ភាសាខ្មែរ) ឯទំហំខ្ញុំយក 16px
Post Title (ជាអក្សរចំណងជើងអត្ថបទ) : រើសយក Hanuman (ភាសាខ្មែរ) និង Bold, ឯទំហំខ្ញុំយក 18px ។
Gadgets (ជាអក្សររបស់ Gadget) : រើសយក Hanuman (ភាសាខ្មែរ) និង Bold, ឯទំហំខ្ញុំយក 15px ។

- កំណត់រួចសូមចុចប៊ូតុង Apply to Blog ដើម្បីទទួលស្គាល់ការកំណត់ រួចចុច Back to Blogger ចូលមកកាប់ប្លកវិញ៕

សូមមើលលទ្ធផលដូចខាងក្រោម

រូបខាងលើគឺមិនមានបង្កប់ពុម្ពអក្សរ (Khmer OS System) ឯខាងក្រោមគឺបង្កប់ពុម្ព Hanuman

ចំណាំ ៖ គន្លឹះនេះអនុវត្តន៍បានដែរប្លក់លោកអ្នកដែលកំពុងប្រើ template ដែលមានក្នុង blogger ស្រាប់ បើប្លក់អ្នកបានកំពុងប្រើ template ដែលទាញយកបានពីគេហទំព័រផ្សេងៗគឺមិនដំណើរការទេ ទាល់តែលោកអ្នកចេះបង្កប់ពុម្ពពី Google បានអាចទៅរួច។

បិទមុខងារ Navbar របស់ Blogger ការពារគេ Report

6:41:00 PM Samnang Nouv Blogger, Blogger Tip

Blogger Navbar

Navbar គឺជារបាដែលឋិតនៅខាងលើបង្អស់នៃទំព័រប្លក ដែលមានតួនាទីអាចឲ្យយើងស្វែងរក តាមដាន ចែករំលែកដំណឹងទៅកាន់មនុស្សដទៃ រាយការណ៍បទល្មើស អាចចុចទៅមើលប្លកផ្សេងៗទៀត ជាដើម។ មូលហេតុដែលអ្នកប្រើ blogger ចង់បិទ Navbar មកពីមើលទៅដូចមិនសូវសម ព្រោះជាទូទៅគេហទំព័រមិនដែលមាន Navber អីទេ ហើយណាមួយដោយសារតែនៅក្នុង Navber មានមុខងារ Report Abuse (រាយការណ៍បទល្មើស) នោះធ្វើអោយម្ចាស់ប្លកចង់បិទវាខ្លាំងណាស់។ ក្រុមអ្នកអភិវឌ្ឍន៍ Blogger បានបន្ថែមមុខងារបិទ Navber ដើម្បីឲ្យអ្នកដែលចង់បិទវា មានភាពងាយស្រួលជាពិសេស អ្នកដែលមិនចេះកូដ ចេះគាំងអីនោះ។ តែក៏បញ្ជាក់បន្តិចថា Navbar ហ្នឹង វាមានតែចំពោះប្លក់ទាំងឡាយណាដែលកំពុងប្រើប្រាស់ template ដែលមានស្រាប់ក្នុង Blogger ។ សម្រាប់អ្នកដែលប្រើ template ពីណាពីណីអត់មាន Navbar ហ្នឹងទេ។

template ដែលមានស្រាប់ៗក្នុងប្រព័ន្ធ Blogger

សូមមើលពីរបៀបបិទងាយស្រួលដែលមានស្រាប់ក្នុងប្រព័ន្ធ Blogger៖

- កត់ត្រាចូល (Log In) ក្នុងគណនី Blogger របស់លោកអ្នក
- ចូលទៅកាន់ Layout >> ចុចលើពាក្យ Edit របស់ Navbar ដែលជាទូទៅវាឋិតនៅខាងលើគេ (សូមមើលរូបខាងក្រោម)

Layout >> ចុចលើពាក្យ Edit របស់ Navbar

- នោះលោកអ្នកនឹងបានឃើញផ្ទាំងកំណត់របស់ Navber សូមចុចយក Off ដើម្បីបិទមុខងារ Navbar រួចចុច Save ជាការស្រេច។ (សូមមើលរូបខាងក្រោម)

ពេលនេះលោកអ្នកលែងបានឃើញ Navbar ទៀតហើយសូមរីករាយជាមួយការសរសេរតែងនិពន្ធរបស់អ្នកទៀតចុះ៕

ប្លកគឺ ជាសេវាកម្មមិនគិតលុយ ឲ្យលោកអ្នកកត់ត្រារាល់អ្វីៗអំពីខ្លួនអ្នក អាចបង្ហាញជា សាធារណៈ និងមិនអោយបង្ហាញជាសាធារណៈបាន។ បើកលោកអ្នកចង់រៀនបង្កើតប្លក ខ្ញុំសូមណែនាំអោយប្រើសេវាកម្ម Blogger ដែលល្អជាង Wordpress.com ហើយបើមិនដែលចេះប្រើ Blogger សោះនោះសូមចូលទៅមើលមេរៀនបង្កើតប្លកនៅ អាយធីកូនខ្មែរ.com ដែលមានមេរៀនងាយៗចាប់ពីមិនទាន់ចេះសោះមក បន្ទាប់ពីចេះប្រើ Blogger ខ្លះៗហើយ អ្នកអាចចូលមើលអំពីគន្លឹះប្លក ដែលខ្ញុំបានសរសេរជាភាសាខ្មែរហូហែ ទុកអោយអ្នកចង់ចេះប្រើប្លក៕ :D

5 ចំណុច យើងគួរបង្កើត Blogger ផ្ទាល់ខ្លួនមួយ

6:44:00 PM Samnang Nouv Blogger, Blogger Tip

សួស្ដី! មិត្តទាំងអស់គ្នា។ ខ្ញុំមិនមែនជាអ្នកជំនាញខាង Blogger អីប៉ុន្មានទេ ខ្ញុំគ្រាន់តែបកប្រែមកពីប្លុកបរទេស និងបន្ថែមគំនិតខ្លួនឯងខ្លះ ព្រោះខ្ញុំក៏មិនសូវចេះភាសាអង់គ្លេសដែរ។ ពេលនេះខ្ញុំសូមបង្ហាញពីហេតុផលទាំង 5 យ៉ាងដែលយើងគួរតែបង្កើត Blogger ផ្ទាល់ខ្លួន។

1. អ្នកនឹងអាចក្លាយជាអ្នកនិពន្ធ និងសរសេរអត្ថបទបានកាន់តែប្រសើរឡើង ៖

បើសិនកាលពីមុនអ្នកមិនចូលចិត្តក្នុងការសរសេរ អ្នកអាចនឹងចូលចិត្តសរសេរវិញព្រោះតែប្លុក ដែលធ្វើឲ្យអ្នកស្ទាត់ជំនាញក្នុងការ សរសេរអត្ថបទនៅពេលអនាគត។ ម្យ៉ាងទៀតវាអាចធ្វើឲ្យអ្នកក្លាយទៅជាអ្នកនិពន្ធអត្ថបទម្នាក់ ដ៏ល្បីល្បាញផងដែរ។ នៅពេលដែលអ្នកមានវ័យចាស់អ្នកនឹងអាចមើលឃើញពីយុវភាពរបស់អ្នក ក្នុងកាលដែរអ្នកប្រឡូកជាមួយនឹងបច្ចេកវិទ្យា។ វាក៏ជាកំណត់ហេតុមួយផងដែរ ប្រសិនបើអ្នកមិនចងចាំឱកាសណាមួយនោះ អ្នកអាចនឹងរំលឹកអនុស្សាវរីយរបស់អ្នក។

2. ធ្វើឲ្យអ្នកមានការគិតពិចារណាបានវែងឆ្ងាយ ៖

នេះ ក៏ជាចំណុចមួយដ៏សំខាន់ផងដែរ។ បើសិនជាអ្នកសរសេរអត្ថបទណាមួយនៅអ្នកនឹងអាចយល់ពីអត្ថន័យនៃ អត្ថបទនោះកាន់តែច្បាស់លាស់ ហើយស៊ីជម្រៅផងដែរ។ ឧទាហរណ៍អ្នកសរសេរអត្ថបទទាក់ទងទៅនឹងស្នេហា នោះអ្នកនឹងអាចនឹងយល់ពីបញ្ហាស្នេហាកាន់តែច្រើនឡើងហើយមិនងាយ នឹងចាញ់ស្នេហាឡើយ។ (មិនលោតទឹក ចង.ក ...) :D

3. ធ្វើឲ្យអ្នកមានសុខភាពល្អ និងជីវិតរីករាយ ៖

តើអ្នកជឿទេថា Blogger អាចឲ្យជីវិតរបស់អ្នករីករាយ និងមានសុខភាពល្អ? ចំពោះខ្ញុំបាទ ខ្ញុំពិតជាជឿ 100% ព្រោះថានៅពេលដែលប្លុកយើងមានអ្នកចូលអានច្រើន ហើយការប្រកាស (Post) ក៏មានកាន់តែច្រើនដែរនោះ វាពិតជាធ្វើឲ្យយើងរីករាយពេកក្រៃ ពិសេសគឺនៅពេលមានម្ចាស់ប្លុកដទៃឬអ្នកដែលនៅជុំវិញខ្លួនយើង បញ្ចេញមតិយោបល់ ឬចម្ងល់ផ្សេងៗឲ្យយើងជួយដោះស្រាយ។ សំខាន់សម្រាប់សុខភាពរបស់យើងដែរនោះគឺទម្លាប់ដដែលៗរបស់យើង។ ឧទាហរណ៍ ៖ ខ្ញុំក្រោកឡើងនៅម៉ោង 5:00AM បន្ទាប់មកខ្ញុំប្រកាសក្នុងប្លុកឲ្យបានយ៉ាងហើយណាស់ក៏មួយដែរ។ នៅម៉ោង 7:00AM ខ្ញុំទៅបរិភោគអាហារពេលព្រឹក ហើយធ្វើការងារមួយចំនួន។ នៅម៉ោង 10:00AM ខ្ញុំបើក Facebook ............ នៅម៉ោង 02:00PM ទៅ 4:00 PM ខ្ញុំប្រកាសក្នុងប្លុកទៀត។ :D

4. អ្នកនឹងជួបមនុស្សថ្មីៗ ជាមួយនឹងចំណេះដឹងថ្មីៗផងដែរ ៖

ខ្ញុំជឿជាក់យ៉ាងប្រាកដ និងច្បាស់ថា នៅពេលដែលប្លុករបស់លោកអ្នកមានអត្ថបទប្លែកៗច្រើនចំនួនអ្នកទស្សនា ក៏មានកាន់តែច្រើនដែរ។ អ្នកដទៃនឹង Comment មកយើងនូវចម្ងល់របស់គេពិសេសអ្នកអាយធីទាំងឡាយ (មិនមែនអ្នកឆុងតែទឹកកកទេ) នោះយើងកាន់តែមានទំនាក់ទំនងយ៉ាងជិតស្និទ្ធថែមទៀត។ មួយវិញទៀតយើងក៏បានស្គាល់នូវប្លុកទាំងឡាយដែលមានសភាពប្រសើរជាង យើង ហើយអាចសាកសួរយោបល់ (ពិសេសរបៀបធ្វើ) អ្វីមួយ។

5. អ្នកអាចទទួលបានប្រាក់ ៖

នៅពេលប្លុករបស់អ្នកមានភាពល្បីល្បាញទទួលការពេញនិយមពីអ្នក ទស្សនាទាំងឡាយនោះ អ្នកដែលមានផលិតផលឬចង់ប្រកាសដំណឹងផ្សេងៗ ច្បាស់ជារត់មករកយើង ពិសេសអាចមានអ្នកសុំដាក់ដំណភ្ជាប់ទៀតផង។ បើយើងបានទិញដូមែន (Domain) ទៀតរឹតតែប្រសើរ។ ដូមែន មានដូចជា ៖ .info (តម្លៃថោក) .com . Net .info .deu .kh......។

ចំណុចទាំងឡាយដែលខ្ញុំសរសេរខាងលើនេះសង្ឃឹមថា លោកអ្នកអាចយល់ខ្លះៗ និងអាចទទួលយកបាន។ ដូចនេះដើម្បីកុំឲ្យចាញ់គេក្នុងពិភពបច្ចេកវិទ្យាថ្មីៗនេះ យើងជាកូនខ្មែរគប្បីបង្កើតប្លុកឲ្យបានច្រើន និងមានប្រយោជន៍ចំពោះជនជាតិយើងផងដែរ៕

Tuesday, March 22, 2016

ធ្វើ​ដូចម្ដេច​ទើប​អាច​ក្លាយ​ជា​អ្នក​ជំនាញ​ខាង IT ?

1. បង្កើន​ចំណេះដឹង​តាមរយៈ​ការ​អាន និង​ស្រាវជ្រាវ :

2. ធ្វើការ​ផ្លាស់ប្ដូរ និង​ចែករំលែក​បទពិសោធន៍ :

3. អនុវត្តន៍​ឲ្យបាន​ច្រើនជាង​ទ្រឹស្តី :

4. រៀន​វគ្គ​ជំនាញ​ខ្លីៗ​ឲ្យ​បាន​ច្រើន :

5. បង្កើន​ចំណេះដឹង​ខាង​ភាសាបរទេស :

6. តស៊ូ​ព្យាយាម និង​អំណត់​អត់ធន់​ក្នុង​ពេល​ធ្វើ​ការងារ​និង​សិក្សា :

7. រៀន​កែប្រែ​ខ្លួន​ពី​អ្នកធ្វើ​មក​ជា​អ្នកគ្រប់គ្រង​វិញ :

Saturday, March 19, 2016

៙ ព័ត៌មាន​អំពី​សៀវភៅ ៖

៙ វិធី​ប្រើ​កម្មវិធី Free ​Video Cutter ​ ៚

៙ របៀប​ធ្វើ google drive direct link ៖

Pages ឬក៏ ទំព័រ ៖

Post ឬក៏ ប្រកាស ៖

វិធី​ប្រើ Readmore ដែល​មាន​ស្រាប់​ក្នុង Blogger ៖

ក- របៀប Backup ឬ Restore Template តាមធម្មតា៖

ខ- របៀប Upload template តាមវិធីនេះ​ពេល Upload តាមធម្មតាមិនទៅ ៖

ចង់​បាន Template ថ្មីៗ ស្អាតៗ​?

៙ របៀប​បង្កប់​ពុម្ព​អក្សរ​ខ្មែរ​យូនីកូដ​ឈ្មោះ​ហនុមាន (Hanuman) ក្នុងប្លក ៖

1. អ្នក​នឹង​អាច​ក្លាយ​ជា​អ្នកនិពន្ធ និង​សរសេរ​អត្ថបទ​បាន​កាន់​តែ​ប្រសើរ​ឡើង ៖

2. ធ្វើ​ឲ្យ​អ្នក​មាន​ការ​គិត​ពិចារណា​បាន​វែង​ឆ្ងាយ ៖

3. ធ្វើ​ឲ្យ​អ្នក​មាន​សុខភាព​ល្អ និង​ជីវិត​រីករាយ ៖

4. អ្នក​នឹង​ជួប​មនុស្ស​ថ្មីៗ ជា​មួយ​នឹង​ចំណេះដឹង​ថ្មីៗ​ផង​ដែរ​ ៖

5. អ្នក​អាច​ទទួល​បាន​ប្រាក់​ ៖